«Цифрландыру — 2025»
https://kerbulaq.kz/?p=14746&preview=true
Қазақстандағы цифрландыру үдерісі елдің әлеуметтік-экономикалық дамуына оң әсерін тигізіп келеді. «Цифрлық Қазақстан» бағдарламасы аясында мемлекеттік қызметтерді автоматтандыру, интернет инфрақұрылымын дамыту және экономика салаларын цифрландыру бойынша ауқымды жұмыстар жүргізілуде.
Мемлекеттік қызметтердің цифрландырылуы – бюрократияны азайтып, халыққа көрсетілетін қызметтердің сапасын арттыруға бағытталған маңызды қадам. Egov.kz порталы, eGov mobile қосымшасы және Telegram-дағы eGovBot арқылы азаматтар көптеген қызметтерді онлайн ала алады. Бұл уақыт пен ресурсты үнемдеуге мүмкіндік береді. Сонымен қатар, «Paper Free» қағазсыз құжат айналымы да цифрландырудың маңызды бөлігі болып отыр.
Алайда, цифрландырудың кейбір қиындықтары да бар. Ауылдық аймақтарда интернеттің әлсіздігі, цифрлық сауаттылықтың төмен деңгейі, киберқауіпсіздік мәселелері цифрландыру үдерісін баяулатуы мүмкін. Осыған байланысты, мемлекет тарапынан инфрақұрылымды жетілдіру, халықтың цифрлық сауаттылығын арттыру және ақпараттық қауіпсіздік шараларын күшейту қажет.
Жалпы алғанда, Қазақстандағы цифрландыру – елдің экономикалық бәсекеге қабілеттілігін арттырудың маңызды факторы. Егер осы бағыттағы жұмыстар жүйелі түрде жалғасын тапса, Қазақстан өңірдегі технологиялық дамыған елдердің біріне айналуы әбден мүмкін.
Кербұлақ ауданы білім бөлімінің бас маманы Баймолда Ғани Тұрсынғалиұлы
Amanat партиясы Үкіметтің бірыңғай сағаттық белдеуге өтуге қатысты есебін тыңдады
Бұл зерттеу жұмысы «AMANAT» Фракциясының ұсынымын іске асыру шеңберінде 6 бағыт бой…
