Атом электр станциясының экономикалық маңыздылығы

Қазіргі  уақытта заманауи технологиялар энергияны көптеп қажет ететіндіктен, энергия көздерін зерттеу  маңызды болып отыр.Сондықтан, ғылымның дамуымен қатар су электр станциялары мен жылу электр станцияларының,  сондай-ақ  қайта қалпына келетін энергия көздерінің рөлі  электр энергиясын  өндіруде  күннен-күнге  артуда. Оларғакүн,жел,биоотын,   геотермалдық энергия сияқты негізгі қайта қалпына келетін энергия көздері жатады.  Қайта қалпына келетін энергия көздері  қоршаған орта үшін экологиялық таза болып табылады. Алайда, бұлтты ауа-райында және жел жоқ кезде мұндай энергия өндірісі мүлдем мүмкін болмай қалады. Жылу электр станцияларында энергия көмір немесе газ есебінен өндіріледі. Мұндай энергия  өндірісінің шикізат бағасы күн сайын өсуде. Ал,Атом электр станциясы (АЭС) отын ретінде өте аз мөлшерде  уранды пайдаланып,өте көп мөлшерде  энергия көзін өндіреді. XX ғасырдың ортасында уран мен плутонийдің  ядроларын  бөлу арқылы аз шығындалып көп энергия  алу мүмкіндігі бар. Яғни, ядролық реакторда уран ядроларын  ыдырату арқылы  жүргізілетін ядролық реакция нәтижесінде  электр энергиясын өндіру үшін  пайдаланатын көп мөлшерде жылу бөлінеді.  Сол себепті, мемлекетіміз де бұл мәселеге бей-жай қарамай, АЭС салу  мүмкіндігін  бұрыннан қарастырып келеді.

            Асель Нурадилова

Аудандық ішкі саясат, мәдениет,

тілдерді дамыту және спорт бөлімінің қызметкері