Таза байлық — энергияда

Қазіргі заманауи технологиялар энергияны көп қажет еткендіктен энергия көздерін зерттеу бүгінде маңызды бола түсуде. Ғылымның дамуымен қатар су электр станциялары мен жылу электр станцияларының, сондай-ақ қайта қалпына келетін энергия көздерінің рөлі электр энергиясын өндіруде күннен-күнге артып келеді. Оларға күн, жел, биоотын, геотермалдық энергия сияқты негізгі қайта қалпына келетін энергия көздері жатады. Қайта қалпына келетін энергия көздері қоршаған орта үшін экологиялық таза болып саналады. Алайда, бұлтты ауа-райында және жел жоқ кезде мұндай энергия өндірісі мүлдем мүмкін болмай қалады. Жылу электр станцияларында энергия көмір немесе газ есебінен өндіріледі. Қазақстанмен бірге басқа көптеген елдер үшін де атом электр станцияларында электр энергиясын өндіру көмір және газбен қуаттанатын жылу электр станцияларына қарағанда әлдеқайда арзан. Әсіресе, энергетикалық дағдарыс кезінде атом электр станцияларында өндірілетін электр энергиясының құнындағы артықшылық өзіне ерекше назар аудартады. Қазақстан – уранға өте бай елміз. Әлемде экономикасына АЭС пайда әкеліп отырған елдер аз емес. Сондықтан  экологияға және адам денсаулығына теріс әсері жоқ деуге болады. Біздің басты мақсатымыз болашақ ұрпаққа таза ауа, таза жер және таза су қалдыру. «Таза болса табиғат – аман болар адамзат» деген осыны білдіреді.Мен елімізде АЭС салынуын қолдаймын.

                                           Аудандық балалар кітапханасының меңгерушісі:

Оңалбаева Ж.