Сыбайлас жемқорлықпен күрес – қоғам талабы
Міндетті әлеуметтік медициналық сақтандыру қоры Алматы облыстық филиалы қызметкерлерімен кездесу өтті. Шарада Сыбайлас жемқорлыққа қарсы іс-қимыл агенттігінің облыс бойынша Департаменті өкілдері мамандарға ақпараттандыру жұмыстарын жүргізді. Онда жемқорлық тәуекелдерінің алдын алу шаралары жіті түсіндірілді. Тәртіптік, әкімшілік және қылмыстық жауапкершілікке әкеп соғатын әрекеттер, сыбайлас жемқорлыққа байланысты құқықбұзушылықтар айтылды. Парақорлықтың салдары, оның жолын кесу жолдары, мұндай жағдайлар кезіндегі іс-қимыл айтылды. Бармақ басты көз қыстылық фактілеріне тағайындалатын жазаларға тоқталды.
«Сыбайлас жемқорлыққа қарсы күрес бүгінде Қазақстанның күрделі мәселесі болып табылады. Ұлы жол үйдің табалдырығынан басталады деген халық даналығы. Сондықтан сыбайлас жемқорлыққа қарсы іс – қимыл-бұл сыбайлас жемқорлыққа қарсы қызметтің ғана емес, барлық мемлекеттік мекемелердің ортақ міндеті және жұмысы екенін түсіну қажет», — деді жиында сөз алған Сыбайлас жемқорлыққа қарсы іс-қимыл агенттігінің Алматы облысы бойынша департаментінің Првенция басқармасы басшысының орынбасары Дарын Әбіқұлов.
Жалпы, мұндай шара МӘМС қоры Алматы облыстық филиалында дәстүрлі түрде өткізіліп тұрады. Айта кетерлігі, кездесуге филиалдың 20-ға тарта қызметкері қатысты.
« Басқосуда сыбайлас жемқорлыққа қарсы заңнамадағы соңғы өзгерістер түсіндірілді. Бұл шараның басты мақсаты – пара алу, пара беру әрекеттерінен аулақ болуға шақыру, жемқорлық әрекеттерінің алдын алу. Оның салдарын, әкімшілік пен қылмыстық жауапкершілікке әкеп соқтыратын жағдайларды жеткізу. Жалпы, парақорлық — қоғам дерті. Біз баршамыз бірге күш жұмылдырып, мұндай фактілердің алдын алуымыз керек», — деді кездесуді ұйымдастырушы МӘМС қоры Алматы облыстық филиалының заң мәселелері жөніндегі бас сарапшысы Бақытжан Еділов.
Жетісуда «Жаркент-Қорғас» автомобиль жолының негізгі учаскесі ашылды
Автомобиль жолы қай кезде де елдің инфрақұрылымының маңызды бөлігі болып саналған. Мұндай …
