«Ауыл аманаты» — тың жоба, тиімді ұсыныс!

Жетісу облысы бойынша жобаны түсіндіру жұмысы жалғасуда.
Жұртшылықтың ауылда еңбек етіп, тиісінше тұрақтауына бағытталған жоба — жаңа мүмкіндіктерге жол ашады!
Мұндағы мақсат ауылдағы жұмыссыздықты жою, ауыл халқын жеке кәсібін дөңгелету арқылы табыс табуға үйрету, бұл бағытта қолдау көрсету.
Бүгін партияның мобильді тобының мүшелері Кербұлақ ауданы Қарашоқы ауылының тұрғындарымен кездесіп ауылдағы ағайынға жобаның мақсаты мен міндетін, табыс табудың жолдарын түсіндірді.
«Атамекен» Ұлттық кәсіпкерлік палатасы Кербұлақ аудандық филиалының консультант менеджері Туменбаева Маржан Нұрмұхамбетқызының айтуынша, аудан бойынша кәсібін ашу мақсатында 30 өтінім келіп түскен. Оның 16-ы өтінімі осы Қарашоқы ауылынан келген. Барлық бизнес-жобалар әлі қаралым үстінде.
«Жеке кәсібімді дөңгелетемін деген жандарға бұл жоба үлкен мүмкіндіктерге жол ашады. Ауылдағы ағайынды 2,5% — дық жеңілдетілген несие несиемен қамтып, сонымен қатар ауылшаруашылық техникасын алуға лизинг беру қарастырылған. Одан бөлек агроөнеркәсіп саласында кәсіби біліктілігі мол мамандардан тегін кеңестер берілдеді. Ал, әлеуметтік кәсіпкерлік корпорациясы кооперативтердің жұмысын үйлестіріп отырады. Бұл да үкімет тарапынан үлкен қолдау», -деп Маржан Нұрмұхамбетқызы бағдарламаның тиімділігін тізбектеп берді.
Жеке қосалқы шаруашылықты игеруге енді ғана кіріскелі отырған болашақ кәсіпкерлер де бұл жобаға үлкен үміт артады. 40 жастағы Майдан Бердік солардың бірі. Ол Мемлекет басшысының бастамасымен іске асқан жоба бойынша мал өсірумен және сүт өндірісімен айналыспақ. Мал шаруашылығы бойынша жобаларын ұсынған тұрғындар кооперация құруды жоспарлап отыр.
Қарашоқы ауылының кәсіпкер Майдан Бердіктің айтуынша, қарапайым халық үшін тиімділігі мол болмақ.
«Маған жобаның тиімділігі өте ұнады. Сондықтан халыққа оны өтеу оңайырақ болады. Осы жоба арқылы жұмыссыз жүрген ауылдастар, жастар жеке кісібін ашып, үкіметтің қолдауын табары анық. «Ауыл – ел бесігі» — демекші, жаңа ашылған жобалар арқылы ауылымыз гүлдейді. Оның үстіне, жергілікті әкімдік те, «AMANAT» партиясы да көмектесіп, қолдау көрсетіп отырады. Бұл өте маңызды. Себебі, сала мамандарының кеңесі жеке кәсібін ендлі дөңгелетем деушілерге өте керек»,-дейді Майдан Бердік
Кербұлақ ауданы туристерге, әсіресе шетелдік туристер үшін тартымды өңір. Сол себепті белсенді ауыл тұрғындары туристік жобаларды да ұсынып отыр.
«Ауыл аманаты» бағдарламасы аясында қант қызылшасы, сүт тауарлы фермалар сынды негізгі жобаларға қолдау көрсетіледі және тұтынушыларды елімізде өндірілген қант және сүтпен қамтамасыз етеді.
Бүгінгі күні өңірде 272 өтінім түсіп, 23 өтінім мақұлданды, алғашқы 9 өтінім 27,2 млн. теңге қаржыландыруға кредиттік шарттары жасалынып қол қойылды.