Ертеңін ойлайтын ел озады

Мемлекет Басшысы Қ.К. Тоқаевтың Қазақстан халқына жолдауын бірнеше бағдарға бөліп, қарастырған соның ішіндегі  маңызды мәселе – білім беру жүйесі туралы. Кез келген мемлекет үшін білім мен ғылымды дамыту аса маңызды. Қазақстан үшін де бұл саланы ілгерілету – мемлекеттік саясаттың басты тетіктерінің бірі. Сондықтан елімізде білім беру және ғылым саласын дамыту үшін қолға алынып жатқан шаралар көп.Бұл сала ұлт сапасын жақсарту ісінде аса маңызды рөл атқаратындығын және мектепке дейінгі тәрбие жұмысын басты назарда ұстау керектігін атап өткен. Қазақстан Республикасының білім саласындағы бүгінгі басты міндеттерінің бірі – жастарға терең білім беру. Мемлекет басшысы отандық білім беру жүйесінің үздік үрдісін сақ­тай отырып, бір орында тұрып қал­май, әрдайым даму жолын­да болу керектігін атап өткен. Пре­зи­­дент­тің айтуынша, бәсекеге қа­бі­летті балаларды қалыптас­ты­ру­да басты үміт мұғалімдерге жүктелетіндігін, сондықтан бола­шаққа жол сілтейтін мұғалімнің еңбегін ла­йықты бағалау – өте маңызды міндет, – деді. Мемлекет бас­шы­сының айтуынша, орта білімнің сапасы – табысты ұлт болудың тағы бір маңызды шарты, әрбір оқушының білім алып, жан-жақты дамуы үшін қолайлы жағдай жасалынуы,бұған «Жайлы мектеп» ұлттық жобасына ерекше назар аударуы дәлел бола алады. 2025 жылға дейін 800 мың баланың  заманауи мектепте оқуына жағдай жасайтындығы. «Жайлы мектеп» ауылда да, қалада да жаңа бірыңғай стандарт бойынша салынатындығы мен үшін қуанарлық жағдай. Осы жобаны іске асырудағы басты мақсат, апатты жағдайдағы және үш ауысыммен оқитын мектеп мәселесі толығымен шешілетіндігіне сенімім мол. Бұл ауыл және қала мектептерінің айырмашылығын едәуір азайтады деген ойдамын. Әділетті Қазақстанды құру ісінде мұғалімдердің рөлі айрықша екенідігін атап өткендігі қарапайым мұғалімдер үшін үлкен мәртебе. Мемлекетімізде соңғы жылдары ұстаз мамандығының абырой-беделін арттыру үшін көп жұмыстар атқарылып келеді. Мұндай жауапты жүктемені, яғни, бұрыннан бергі ұстаздың негізгі функционалдық міндетін нәтижелі орындау үшін Мемлекет Басшысы айтқандай әрбір қазақстандықтың еліміздегі өзгерістер үрдісіне атсалысуы керек. Әрбір қазақстандық жүргізіліп жатқан реформалардың мәнін және олардың Отанымызды өркендету жолындағы маңызын жете түсінуге тиіс. Реформаларды табысты жүзеге асыру үшін қоғамымыздың ортақ мақсатқа жұмылуы аса маңызды.

Сарыөзек орта мектебінің директоры Имуханбетова Салтанат Жалқынқызы