**Кербұлақ ауданында референдум учаскелері жұмысын аяқтады**

**Кербұлақ ауданында референдум учаскелері жұмысын аяқтады**

Бүгін таңғы уақыттан басталып, кешке дейін жалғасқан референдум учаскелері дауыс берушілерді қабылдауды тоқтатты. Бұл туралы аудандық сайлау комиссиясы мәлімдеді.

Еске сала кетейік, бүгін елімізде Жаңа Конституцияны қабылдау мәселесіне байланысты республикалық референдум өтті.

Кербұлақ ауданында тұрғындардың дауыс беруіне барлық қажетті жағдай жасалып, бірнеше референдум учаскесі ұйымдастырылды. Күні бойы аудан тұрғындары учаскелерге келіп, өз таңдауын жасады.

Сондай-ақ, биыл 18 жасқа толып, алғаш рет дауыс берген жастар да болды. Олар үшін бұл маңызды қоғамдық-саяси науқанға қатысу ерекше жауапкершілік пен азаматтық белсенділіктің көрінісі болды.

Референдум өткен күні ауданда қуанышты жаңалық та тіркелді — Кербұлақ ауданында 1 сәби дүниеге келді.

Жалпы, Кербұлақ ауданының тұрғындары республикалық референдумда белсенділік танытып, елдің болашағына қатысты маңызды шешім қабылдауға өз үлестерін қосты.