Кербұлақ ауданында референдумға қатысу белсенді түрде жүріп жатыр

Кербұлақ ауданында өтіп жатқан республикалық референдумға тұрғындар белсенді түрде қатысуда. Әсіресе Сарыөзек ауылындағы №189 сайлау учаскесінде дауыс беру үрдісі жоғары ұйымдастырылған. Аудан тұрғындары өз азаматтық борышын орындау үшін таңертеңнен бастап дауыс беруге келеді.

Сайлау учаскесіне келген аудан тұрғыны Албанбекова Бибігүл  референдумға қатысып, өз таңдауын жасады. Ол елдің болашағына қатысты шешім қабылдау кезінде әрбір азаматтың дауысы ерекше маңызды екенін атап өтті.

– «Бүгін мен де өз азаматтық борышымды орындап, дауыс беруге келдім. Елдің дамуы мен болашағына үлес қосу әрбір азаматтың парызы деп есептеймін», – дейді Албанбекова Бибігүл.

Жалпы, Кербұлақ ауданында дауыс беру үдерісі жоғары деңгейде ұйымдастырылған және тұрғындардың белсенділігі байқалуда. Аудан әкімшілігі сайлаушыларға барлық жағдай жасалғанын және әрбір азаматтың қауіпсіз әрі ыңғайлы түрде дауыс бере алатынын хабарлады.

Референдумның қорытындысы ел үшін маңызды шешімдер қабылдауда анық рөл атқарады, сондықтан аудан тұрғындарының белсенділігі – елдің болашағына деген жауапкершіліктің көрінісі болып отыр.