Мемлекет басшысы «Таза Қазақстан» акциясына қатысты!

Мемлекет басшысы «Жастар» саябағында ағаш екті

Президент Қасым-Жомарт Тоқаев Астанада өтіп жатқан «Таза Қазақстан» экологиялық фестивалі аясында «Жастар» саябағында ағаш отырғызу акциясына қатысты.

Мемлекет басшысы экобелсенділермен бірге жас көшет егіп, еліміздің жасыл қорын көбейтуге өз үлесін қосты.

Аталған іс-шара «Бүкіл қазақстандық ағаш егу күні» акциясы шеңберінде ұйымдастырылып отыр.

Соңғы үш күн ішінде республика бойынша 4,5 миллионға жуық ағаш көшеті егілгені мәлім.

Бұл бастама Қазақстанның орман алқаптарын ұлғайтып, экологиялық ахуалды жақсартуға бағытталған.