«Қолжетіміді баспана — арман емес, біздің азаматтарымыздың алдындағы міндетіміз»

Бүгінгі күнге Қазақстан Республикасы азаматтарының ең басты мәселесі – тұрғын үй мәселесі болып тұр. Мемлекет тарапынан тұрғын үйге мұқтаж азаматтарды тұрғын үймен қамтамасыз ету үшін жалдамалы, ипотекалы тұрғын үйлердің құрылысына бюджеттен қаражат қарастырылуда және де тұрғын үйге қатысты Заңдарға өзгерістер енгізілуде.

Кербұлақ ауданы бойынша бүгінгі күні 1472 азамат тұрғын үй кезегінде тұр. Соның ішінде: халықтың әлеуметтік осал топтары – 564, көпбалалы отбасылар -446, жетім балалар, ата анасының қамқорлығынсыз қалған отбасылар -126, бюджеттік мекеме қызметкерлері, мемлекеттік қызметшілер, әскери қызметшілер, ғарышкерлер, ғарышкерлікке кандидаттар, мемлекеттік сайланбалы лауазымды адамдар- 231, жалғыз тұрғын үйі апатты деп танылған ҚР азаматтары-105.

Тұрғын үй кезегіндегі азаматтар тұрғын үйді «Отбасы Банк» бағдарламаларына қатысу арқылы жеңілдікпен ипотекалық үй сатып ала алады. Халықтың әлеуметтік осал топтарына – 2%, мемлекеттік қызметкерлер мен бюджеттік мекеме қызметкерлері — 5%-бен беріледі. Бағдарлама бойынша ипотекалық тұрғын үй шыққан азаматтар «kezekte.kz» цифрлық платформасындағы «Amanat» тұрғын үй сертификаттарын алуына арналған ақпараттық сервисі арқылы тұрғын үй сертификатына өтінім білдіре алады. Соңғы алты айдағы табысы әрбір отбасы мүшелеріне күнкөріс деңгейінің 3,1 мөлшерінен аспаса, қайтарымсыз 1 500 000 теңгеге дейін ипотекаға алынған үйдің бастапқы жарнасын төлеуге беріледі. Егер соңғы алты айдағы табысы әрбір отбасы мүшелеріне күнкөріс деңгейінің 3,1 мөлшерінен асатын болса қайтарымды 1 500 000 теңге бөліп төлеуге жылына 0,01 %- бен беріледі.

2024 жылы Жетісу облысы әкімдігі «Отбасы банк» АҚ- ның Жетісу облыстық филиалымен ауыл тұрғындарын тұрғын үймен қамтамасыз ету мақсатында «Жерұйық» бағдарламасы іске қосты. Аталған бағдарлама бойынша Кербұлақ ауданында 6 азаматқа 15 млн. теңгеден «Отбасы банк» АҚ- на жолдама берілді.

Сонымен қатар тұрғын үй кезегіндегі тұрғын үйге мұқтаж азаматтарға Сарыөзек ауылынан 60 пәтерлі көпқабатты жалдамалы тұрғын үй, 17 жалдамалы тұрғын үй берілді. 12 ауылдық округте 100 жалдамалы тұрғын үйлер салынды.

2024 жылы «Халықтың әлеуметтік осал топтары» санатындағы 82, «Жетім балалар, ата-анасының қамқорлыынсыз қалған балалар» санатындағы 21, мемлекеттік қызметкерлер, бюджеттік мекеме қызметкерлері санатындағы 6 азамат жалдамалы тұрғын үймен қамтамасыз етілді.

Ағымдағы жылы тағы 60 пәтерлі көпқабатты тұрғын үйдің құрылысы аяқталса кезегі келген азаматтар тұрғын үймен қамтамасыз етіледі.

Кербұлақ ауданындық ТҮКШ ЖК АЖ және ТҮИ бөлім басшысының орынбасары

Мустекбаева Айгул Саткынбаевна