Жаңа технологияға қолжетімділік

Мемлекет басшысы Әділетті Қазақстан: заң мен тәртіп, экономикалық өсім, қоғамдық оптимизм» атты ел халқына Жолдауында цифрландыру саласында қол жеткізілген нәтижелерді күшейтудің маңызын атап өтті.

Бүгінде БҰҰ бағалауы бойынша Қазақстан цифрландыру саласында көптеген жетістіктерге жетіп, өз нәтижесін көрсетті. Жаңа технологияларын қолдану арқылы мемлекетіміз алдыға өрлеуге ыңғайлы жол тапты. 2024 жылы Қазақстанның IT саласы қарқынды өсімді көрсетті. Бұған дәлел: IT саласында 16 мың­ға жуық компания жұмыс істейді. Осы салада еңбек ететіндер саны 182 мың адамға жетті. 2023 жылдың бірінші жартыжылдығында IT қызмет экспорты 247 млн доллардан ас­қан. Ал Дрейпер университетімен бір­лесіп жүзеге асырылған бағдар­лама­ға 27 жоба қатысқан. Қатысу­шы компа­ниялардың бірі «Ciix» Тим Дрейперден 1 млн доллар инвестиция тартты. Ал «Google for Startups» компаниясымен бірлесіп ұйымдастырылған бағдарламаға 24 жоба қатысты. Бағ­дар­­ламаның нәтижесінде, компаниялар 4,2 млн доллар жинап, жалпы бюджеті 87,6 млн долларды құрады, ал айлық табыс көлемі 535 мың долларға жетті. Елі­мізде IT саланы реттеу мәсе­ле­лерін шешу үшін цифрлық кодекс те әзірленген болатын.

Цифрлық кеңістік азамат­тар­дың, бизнес пен мемлекеттің өзара іс-қимылының негізгі арнасына айналды. Кодификация азаматтар мен бизнес үшін цифрлық ортада заңдарды қолдануды қолжетімді және түсінікті етеді, ауыр талаптар мен реттеуші кедергілерді жоя­ды. Цифрлық техно­ло­гиялардың даму қарқыны мен таралу ауқымы реттеуші актілерді қабылдау жылдамдығына ғана емес, сонымен қатар заңнама құрылымына да жаңа талаптар қояды.

Кербұлақ ауданы Д. Қонаев орта мектебінің әдеп-құқық жөніндегі ментор Мырзашева Шырын Мырзашқызы