Мектептерде қауіпсіз тамақтануды қамтамасыз ету мәселелері талқыланды
Жыл басынан аудандық, қалалық басқармалары прокуратура органдарымен бірлесіп 187 мектеп асханаларына жоспардан тыс тексеру жүргізіп, барлығынан бұзушылықтар анықталды. Бұл туралы Жетісу облысы санитариялық-эпидемиологиялық бақылау департаменті басшысының орынбасары Самат Ахметов мәлімдеді.
Тексеру барысында асханаларда ас блогы қызметкерлерінде медициналық кітапша болмаған. Азық-түлікті сақтау шарттары бұзылған, шикізаттың сапасы мен қауіпсіздігін растайтын құжаттары болмаған, қоймадағы бақылау-өлшеу аспаптары жоқ, рұқсат етілмеген өнімдер: дәмдеуіштер, қоспалар, қуырылған бәліш қолданылған.
Нәтижесінде прокуратура органдарының ұсыныстары бойынша 50 әкімшілік айыппұл жазылып, 2 жарым миллион теңгеге жуық қаражат салынды. Санитариялық-эпидемиологиялық қорытындының болмауына байланысты 7 материал сотқа жіберілді.
Мектеп асханаларында күн сайын медицина қызметкері немесе жауапты адам тағамдардың және аспаздық өнімдердің сапасын органолептикалық бағалау журналына жазба енгізе отырып, дайын тағамдардың сапасына органолептикалық бағалау жүргізу қажет. Сондай-ақ, білім беру объектілерінде, мектепке дейінгі ұйымдарда, балалар үйлерінде тамақтану сапасын мерзімдік бағалауды бракераждық комиссия жүргізеді. Оның құрамы медицина қызметкерін, әкімшілікті, өндіріс меңгерушісін және ата-аналар комитетінің өкілін міндетті түрде қоса отырып, объект басшысының бұйрығымен айқындалады.
«Әділ сөз» қорының басшысы Қазақстанның жаңа Конституциясында сөз бостандығы мен шығармашылық еркіндігін қорғау нормаларының бекітілуін жоғары бағалады Жаңа Конституция сөз бостандығымен қатар шығармашылық еркіндікті де қорғайды – Қарлығаш Жаманқұлова Ақпарат тарату құқығы басқа адамдардың құқығы мен қадір-қасиетіне нұқсан келтірмеуі тиіс – «Әділ сөз»
«Сөз бостандығы Конституция преамбуласының жаңа редакциясында жарияланған құқықтың үстемді…
