24.09.2024

Көңілден шыққан Жолдау

Мемлекет басшысы Қасым-Жомарт Тоқаевтың Қазақстан халқына Жолдауы нақты тоғыз бағыттан тұрады. БІРІНШІ. Ақша-несие саясаты мен фискалды саясаттың арасындағы үйлесімсіздікті жою қажет. ЕКІНШІ. Инвестициялық ахуалды және бизнес жүргізуге қажетті жағдайды жақсарту жолында үздіксіз жұмыс істеу маңызды. ҮШІНШІ. Еліміздің өнеркәсіп әлеуетін толық пайдалану үшін жан-жақты шаралар қабылдау қажет. ТӨРТІНШІ. Инфрақұрылымға қатысты өзекті мәселелерді шешу қажет. БЕСІНШІ. Еліміздің кадрлық әлеуетін біртіндеп арттыру өте маңызды. АЛТЫНШЫ. Ұлт саулығын нығайту үшін кешенді шараларды қолға алып, халықты әлеуметтік қолдау жүйесін жаңғырту керек. ЖЕТІНШІ мәселе. Экологиялық ахуалды жақсарту – алдымызда тұрған негізгі міндеттің бірі. Біз қоғамда қоршаған ортаны қорғаудың мән-маңызын кеңінен дәріптеуіміз керек. СЕГІЗІНШІ. Мемлекеттік басқару ісінің тиімділігін барынша арттыру керек. ТОҒЫЗЫНШЫ. Қоғамда заң мен тәртіп идеологиясын терең орнықтыру қажет. Экономика өскен сайын әлеуметтік теңсіздік азайып, орта тап күшейе түсуі керек. Сонда ғана біз еліміздің әлеуетін күшейте аламыз. Ол үшін кез келген істің басты өлшемі тиімділік болуға тиіс. Яғни, әрбір шешім, әрбір жоба ең алдымен елге пайдалы болуы қажет. Жыл сайынғы әр Жолдаудан халық жағымды жаңалықтар мен келелі өзгерістер күтетіні анық . Мемлекет басшысы «Нағыз дамыған ел боламыз десек, саяси реформалармен шектеліп қалмауымыз керек. Осы жұмысты түбегейлі және жан - жақты әлеуметтік реформаға ұштастыру қажет» деді. Қоғамда Заң мен тәртіп идеологиясын терең орнықтыру, әлеуметтік тұрғыдан осал азаматтарға қолдау көрсету сынды халық қалауындағы әр тақырыптарға егжей -тегжейлі кеңінен тоқталып өтті.

24.09.2024

0 117

З.ЖАНАЕВА, аудандық кітапхана библиографы

ОРТАҚ МАҚСАТҚА ЖЕТҮ ҮШІН ТАБАНДЫ ЕҢБЕК ЕТЕЙІК

2024 жылғы 2 қыркүйекте Қазақстан Республикасы Парламенті палаталарының бірлескен отырысында Мемлекет басшысы Қасым-Жомарт Кемелұлы Тоқаев ел халқына Жолдау жариялағаны баршамызға мәлім. Президентіміз өз сөзін кезекті сессияның ашылуымен құттықтаудан бастап, барша сессия жұмысына қатысушыларға ел игілігі үшін жасап жатқан қызметтеріне табыс тілеп, ризашылығын білдірді.

Өткен кезеңде атқарылған жұмыстарға да тоқтала кетіп, әлеуметтік салаға, әсіресе, балаларды қорғау ісіне айрықша көңіл бөлінгенін, ұлттық қордан балалардың есепшотына қаржы аударуға қатысты заң қабылданғанын, балаларды құмар ойынға тартқандар әкімшілік заң бойынша жазаға тартылатындықтарын, кәмелетке толмаған балаларға зорлық-зомбылық көрсеткені үшін берілетін жазаның қатаңдағанын атап өтті. Балалардың қауіпсіздігін қамтамасыз етуге, әйелдер мен балаларға қатысты қылмыстың алдын алуға арналған заңның қабылданғандығы баршамыздың көңілімізді орнықтырды демекпін. Сонымен бірге, Президентіміз атқарылған жұмыстардың нәтижелерімен таныстыра келе, арқаны кеңге салуға болмайтындығын және әлі де атқаратын шаруаның көптігін ескерте кетті. Сонымен қатар, Президентіміз: «Басты мақсат – азаматтардың табысын арттыру. Жұмысты дұрыс үйлестіре білсек, бұл – қолдан келетін шаруа» -дей келе, алдағы жұмыстың нақты бағыттарына және қоғамды толғандыратын бірнеше өзекті мәселелерге жеке-жеке тоқталып өтті. Сол мәселелердің ішінде интернет-алаяқтық, жол-көлік оқиғалары, әскердегі тәртіп, есірткі бизнесімен күрес, медициналық сақтандыру жүйесінің жетілмегендігі, педагогикалық және медициналық кадрлардың жетіспеушілігі, шағын және орта бизнес саласындағы мемлекеттік бақылаудың шектен тыс болу жағдайлары.

Мемлекет басшысы Қ.К.Тоқаевтың биылғы

жылғы Қазақстан Республикасы халқына жолдаған Жолдауы азаматтардың өмір сүру сапасын жақсартуға бағытталған жүйелі экономикалық реформаларға басты назар аудара отырып, талай өзекті мәселелерді шешуге және еліміздің даму жолындағы мақсаттарына қол жеткізуге бағытталып отыр.

Мемлекет басшысы өз сөзінде: «Біз қиындықтарға мойымай, барлық мәселені біртіндеп, байыппен шешуіміз керек. Мұның барлығы халықтың тұрмыс-тіршілігіне ғана емес, қазіргі бұлыңғыр замандағы еліміздің тағдырына да тікелей әсер етеді. Біз-берекелі бірліктің арқасында түрлі сынақтан сүрінбей өткен халықпыз. Алдағы уақытта да солай болмақ. Бәріміз бір ел болып, әділетті және дамыған Қазақстанды бірге құрайық» -деген еді.

Олай болса, құрметті жерлестер, бізде бар мүмкіндіктеріміз пайдалана отырып күш-жігерімізді жинап, ортақ мақсатқа жету үшін табанды еңбек етейік.

Қайрат БЕКИЕВ,

«Amanat» партиясынан сайланған депутат,

Кербұлақ аудандық мәслихатының төрағасы