ХАЛЫҚТЫҚ ШТАБТЫҢ АШЫЛУ ЖИЫНЫНДА  

Таяуда аудандық «Amanat» партиясы аудандық филиалы ғимаратының мәжіліс залында Мемлекет басшысы Қасым-Жомарт Кемелұлы Тоқаевтың 2024 жылдың 6 қазанында республикалық референдум өткізу туралы Жарлығына сәйкес, атом электр стансасын салу мәселесіне қатысты аудандық Халықтық штабтың ашылу салтанаты өтті.

​Модератор, «Amanat» партиясы Кербұлақ аудандық филиалының төрағасы Г.Қамамбаева:

-Құрметті отырысқа қатысушылар! Қазақстан Республикасы Конституциясының 44-бабының 10) тармақшасына және «Республикалық референдум туралы» Қазақстан Республикасы Конституциялық Заңының 18-бабына сәйкес 2024 жылдың 6 қазанында атом электр стансасын салу мәселесіне қатысты жалпыұлттық референдум сайлауы өтпек. 4 қыркүйекте Мәжіліс cпикері, «Amanat» партиясының төрағасы Ерлан Жақанұлы Қошанов Атом электр станциясын салу үшін Халықтық штабының бірінші отырысын өткізді. Оған 6 саяси партиядан 250-ге жуық өкіл және 20-ға жуық республикалық қоғамдық бірлестіктер кірді. Референдум Тәуелсіз Қазақстанның болашағы үшін стратегиялық маңызға ие. Сондықтан елдің ең белсенді және беделді саяси және қоғамдық ұйымдары АЭС салу үшін Халықтық штабқа бірікті. Құрметті штаб мүшелері, атом электр стансасын қолдау жөніндегі аудандық халықтық штабтың ашылуына хош келдіңіздер. Шараны бастамас бұрын ел игілігі жолында жасап жатқан еңбектеріңізге табыс тілеймін. Өздеріңізге белгілі болғандай, жуырда Мемлекет басшысы Қасым-Жомарт Кемелұлы қоғамда қызу талқыланған атом электр стансасын салу мәселесіне ерекше мән берді.

Әлемнің озық елдерінің тәжірибесі атом энергетикасының тиімділігі мен қауіпсіздігін айқын дәлелдейді. Дүниежүзілік ядролық қауымдастықтың мәліметі бойынша, қазіргі уақытта әлемде 415 ядролық энергетикалық реактор (ЯЭУ) пайдаланылуда және тағы 59-ы салынуда. Атом электр станцияларының ең көп саны АҚШ (94), Франция (56), Қытай (56), Жапония (12), Ресей (36) және Оңтүстік Кореяда (26) орналасқан. Көптеген елдер атом электр станцияларының паркін кеңейту жоспарына кірісті немесе алғашқы атом энергетикасы бағдарламасын әзірлеуде, олардың ішінде бүгінгі таңда көршілес ел – Өзбекстан атом энергия стансасын салып жатқаны белгілі. Сондай-ақ, Қырғызстан да алдағы уақытта АЭС салу жөнінде қоғамдық талқыны бастап кетті.

​Қазақстан мұнай мен табиғи газдың ірі өндірушісі бола отырып, әлі де жаңа энергия көздеріне мұқтаж. Осы тұрғыдан алғанда, атом электр станциясының құрылысы көмірсутектердің екі ірі экспорттаушысы Біріккен араб әмірліктері және Сауд Арабиясы қабылдаған нұсқаға ұқсас.

Халықтық штабтың басты міндеті – қоғамға атом электр стансалары салудың маңыздылығы мен артықшылықтарын жеткізу, жұрт арасындағы негізсіз үрейлерді сейілту. Сондай-ақ, атом электр стансалары әлемдегі ең қауіпсіз әрі ең сенімді энергия көздеріне жататынын атап өткен жөн,-деді.

Бұдан соң АЭС салу жөнінде халық арасында түсіндірме жұмыстарын жүргізу бойынша халықтық штаб құрылды. АЭС салуды қолдау жөнінде құрылған Кербұлақ аудандық Халықтық штабының құрамы таныстырылды. Бұл құрамға саяси партиялардың, белсенді қоғамдық ұйымдардың мүшелері, аудандық, ауылдық Ардагерлер және Әйелдер кеңесінің мүшелері, қоғам белсенділері енгізілді.

​АЭС салуды қолдау жөніндегі аудандық Халықтық штабының төрайымы болып «Amanat» партиясы Кербұлақ аудандық филиалының төрағасы Қамамбаева Гүлжан Алтынбекқызы, штаб төрағасының орынбасары болып аудандық Ардагерлер кеңесінің төрағасы, ауданымыздың Құрметті азаматы Рысбеков Бөкен Қабиұлы бекітілді.

​Сондай-ақ, Халықтық штаб құрамында: аудандық мәслихаттың төрағасы, аудандық мәслихаттың депутаты Бекиев Қайрат Ботайұлы, аудандық Аналар кеңесінің төрайымы, ауданның Құрметті азаматы Ақбасова Ғалия Ниязқызы, аудандық қоғамдық келісім кеңесінің төрағасы, ауданның Құрметті азаматы Ашаханов Халим Керимұлы, Шанханай ауылдық округінің Аналар кеңесінің төрайымы, ауданның Құрметті азаматы Толыбаева Ләззат Аязбайқызы, Алтынемел ауылдық округінің Аналар кеңесінің төрайымы, ауданның Құрметті азаматы Асылбекова Торғын Төлепбергенқызы, ҚР Құрметті жаттықтырушысы, ауданның Құрметті азаматы Қоқыспеков Бақыт Жакетұлы, аудандық Жастар ресурстық орталығының маманы Өзенбаев Әсет Ерғалиұлы, Қызылжар ауылдық Ақсақалдар кеңесінің төрағасы, ауданның Құрметті азаматы Сырлыбаев Баян Сырлыбекұлы, аудандық Ә.Сарыбаев атындағы Мәдениет үйінің маманы, жас ақын Қалибек Бақыт Жамбылұлы, жеке кәсіпкер, ауданның Құрметті азаматы Амреева Күлсара Сатанқызы, «Абықан» ШҚ басшысы, аудандық мәслихат депутаты, ауданның Құрметті азаматы Абыканов Серік Қадыралыұлы, аудандық мәслихаттың төрағасы, «Дәурен» ШҚ басшысы, ауданның Құрметті азаматы Есимов Бақытбек Сансызбайұлы, «Нұр» ШҚ басшысы, аудандық мәслихаттың депутаты Нұрлыбаев Нұрберген Байахметұлы, қоғам белсендісі Маширбетов Үсен Жағыпарұлы, «Сайынсұлтан» ШҚ басшысы, аудандық мәслихаттың депутаты Сүлеймен Сәбит Мәлікұлы, аудандық «Кербұлақ жұлдызы» газетінің жауапты хатшысы, Қазақстан журналистикасының қайраткері Қасенова Айнаш Мәміленқызы, «Ауыл» партиясының төрағасы, аудандық мәслихат депутаты Садықова Жұмакүл Сейдахметқызы, «Ақсұңқар» ШҚ басшысы Бекежанов Бақберген Сейтжанұлы, «Адал» ШҚ басшысы, аудандық Қоғамдық кеңестің мүшесі Садықбеков Еркін Жұманұлы, «Жасұлан» ШҚ басшысы Жансұлтанов Қайратбек Жұмакенұлы, «Аламан» ШҚ басшысы, аудандық Қоғамдық кеңестің мүшесі Ақыласов Серік Сембекұлы.

​Алматы қаласына арнайы оқуға барып келген Б.Рысбеков, С.Ахласов, Н.Нұрлыбаевтар атом электр стансасын салу туралы, оның артықшылықтары мен пайдасын, еліміздің, жеріміздің игілігі үшін үлкен қызмет атқаратынын толығымен түсіндірді.

​Жиын соңында аталған халықтық штаб мүшелерімен аудан көлемінде түсіндірме жұмыстарын жүргізу кестесі құрылды.

Айнаш Қасенова