BIR TOLQYNDA ДИАЛОГ АЛАҢЫ

Талдықорғандық студенттер «Bir Tolqynda» диалог алаңында Қазақстан Республикасы Президенті Қасым-Жомарт Кемелұлы Тоқаевтың Қазақстан халқына жолдауында атап өткен Атом электр станциясын салу мәселесін талқылады. Кездесу барысында студенттер елдің энергетикалық қауіпсіздігін қамтамасыз ету және атом энергетикасын дамыту туралы пікірлерін ортаға салды.

Жиынға қатысушылар АЭС салудың артықшылықтары мен қауіп-қатерлеріне қатысты өз ойларын білдірді. Олар экологиялық қауіпсіздік, экономикалық тиімділік, сондай-ақ халық арасында атом энергетикасына деген сенім мәселелерін көтерді. Студенттер АЭС-тің Қазақстанның тұрақты дамуына қосар үлесін, сонымен қатар, энергетикалық тәуелсіздікке қол жеткізуге мүмкіндік беретінін атап өтті.

Кездесу ашық диалог форматында өтіп, студенттер өздерін толғандырған сұрақтарын қойып, осы маңызды мәселеге қатысты ойларын еркін білдірді.