“Қазір — ғылым мен білімнің заманы.»

Мемлекет басшысы Қ.Тоқаев: — “Қазір — ғылым мен білімнің заманы. Отанымызды көркейтеміз десек, ең алдымен осы екі саланы дамытуымыз керек. Бұдан басқа жол жоқ”- деген еді. Қазіргі таңда әлем елдері дамудың жаңа кезеңіне қадам басты. Жетекші мемлекеттердің қатарында болу үшін еліміздегі ғылым мен білім саласын өркендетуге назар аудару дұрыс деп ойлаймын. Себебі ел болашағының негізін қалау үшін білімді ұрпақ қалыптасуы керек. Қазіргі уақытта мен Қазақстандағы жетекші оқу орындарының бірі Әл-Фараби атындағы Қазақ ұлттық университетінде білім алып жатырмын. Студенттердің жаңа білімді игеруі мен таңдаған бағыты бойынша жұмыс істеуіне баса назар аударылады. Оқу орнына ең алғаш келген күннен бастап өз айналамда білімге, еңбекке құлшынысы зор адамдарды байқадым. Соларға қарап елімізде оқу мен үйрену үшін жасалатын жағдайдың жоғары деңгейде болғанын қалаймын. Мемлекет басшысы өз сөзінде: — “біз көшке ілесетін емес, көшті бастайтын елдердің қатарында болуымыз керек, ғылыми әлеуметімізді арттыру қажет”- деді. Бүгінгі күнде осы бағыт бойынша біршама мәселелер көтеріліп, жұмыстар атқарылып жатыр. Халықты біріктіру үшін адамзаттың білімі арқылы өткен тәжірибені болашақ ұрпаққа жеткізу керек. Ғылым жаңа идеяларды, тенденцияларды, ізденістерді дамыту үшін қажет. Білім беру арқылы ұрпақ тәжірибесін арттырып, ғылым арқылы жаңашылдық туралы білімді кеңейтуге үлкен мүмкіндіктер ашылады.

Қасымхан Гаухар

Болашақтың кілті- білімді ұрпақтың қолында.

Білім- барлық жеңістер мен жетістіктердің бастауы.

Ата- бабаларымыз » Білекті бірді жығар, білімді мыңды жығар» деп бекер айтпаса керек.

Алпауыт мемлекеттердің қатарына кіріп, болашақта әлемдегі озық технологияларды меңгеріп, еліміздің еңсесін биіктету үшін білімді жастарды тәрбиелеу -ұстаздар қауымының еншісінде екені белгілі.

Мен өзім көп жылғы еңбек өтілі бар ұстаз ретінде шәкірттеріме саналы тәрбие мен сапалы білім беріп,  Мемлекет басшысының қойған талаптары мен міндеттерін қалтқысыз орындауға бар күш- жігерімді жұмсаймын.

Қаракөз Қабдолданова

Күреңбел қазақ орта мектебінің мұғалімі.