Балалардың өмірі мен денсаулығының қауіпсіздігін қамтамасыз ету!

«AMANAT» партиясы Кербұлақ аудандық филиалының ұйымдастыруымен балалардың өмірі мен денсаулығының қауіпсіздігін қамтамасыз ету мақсатында арнайы комиссия құрылып аудан орталығындағы мектептерге мониторинг жұмыстары жүргізілді. Комиссия құрамына аудандық мәслихат депутаты, аудандық партия филиалының қызметкері, «Жастар рухы» ЖҚ жетекшісі, аудандық білім бөлімінен жауапты маман енгізілді. Мониторинг барысында мектеп аулаларындағы ашық люктерді, аулалардағы ашық тұрған жоғары вольтты сымдарды анықтау, қозғалыс қауіпсіздігін қамтамасыз ету мақсатындағы жол белгілерінің бар-жоқтығы тексеріліп, жауапты мамандарға тиісті тапсырмалар берілді. Бұл бағыттағы жұмыстар алда өз жалғасын табады.