Мемлекет басшысы реформалардың нақты бағдарлары.

Азаматтардың табысын арттыру үшін келер жылдың 1 қаңтарынан бастап ең төменгі жалақы мөлшері 85 мың теңге болып бекітілді. Бұл – Жолдауда Президент айтқан көп тапсырманың бірі.

⠀

Қасым-Жомарт Тоқаев «шикізат үшін шетке жалтақтамай, елдің өнеркәсіптік негізін қалыптастыру керек» деді. Президент өндірістің барлық сатысын елде дамытуды қамтамасыз етуді тапсырды.

– Мемлекет отандық өнім өндірушілерді қорғауға міндетті. Бұл – экономикамыз өзгелер үшін жабық деген сөз емес. Экономикамыз басқа елдерге әрдайым ашық болуы тиіс. Бірақ ұлттық бизнестің мүддесін қорғау керек, – деді ҚР Президенті Қасым-Жомарт Тоқаев.

⠀

Жаңа экономикалық бағдарымыздың басты басымдықтары мыналар:  жеке кәсіпкерлік бастамаларды ынталандыру, яғни, мемлекеттік капитализмнен және мемлекеттің экономикаға шектен тыс араласуынан бас тарту; бәсекелестікті дамыту, яғни бәріне бірдей мүмкіндік беру; сондай-ақ, ұлттық табысты әділ бөлу. Мұның бәрі кезек күттірмейтін бірқатар маңызды міндетті шешуді талап етеді— деді Мемлекет басшысы.

⠀

Еліміздің басты құндылығы – адам. Бұл – айқын нәрсе.  Сондықтан, ұлттық байлықты тең бөлу және баршаға бірдей мүмкіндік беру – реформаның басты мақсаты. Ұлт саулығы жақсы болса ғана, қоғам орнықты дамиды.

⠀

Жалпыхалықтық референдумда қабылданған конституциялық өзгерістер Әділетті Қазақстанның символына айналды.

Осыған дейін қабылданған маңызды мемлекеттік бағдарламалар мен саяси құжаттардың жалғасы болып табылатын бұл жолғы Жолдау халыққа ерекше екпін берді деген сенімдемін. Маңызды құжатта мемлекетті нығайту, азаматтардың құқығын қамтамасыз ету, ел экономикасын дамыту, отандық бизнесті қолдау, халықты әлеуметтік қорғау мәселелерінің маңыздылығы айтылды.

⠀
Еліміздің жастары – елдің басты байлығы. Президент өз жолдауында алдағы уақытта өскелең ұрпақты сапалы біліммен қамтамасыз етіп, барлық жағынан қолдау көрсету маңызды екеніне тоқталды. Бұл ретте «Оқу орындары түлектерге жұмыс бере алатын мекемелермен ұзақ мерзімге арналған әріптестік орнатуы қажет. Экономиканың басымдықтарына, аймақтың және саланың ерекшеліктеріне байланысты тиімді қаржыландыру тәсілдері керек» делінген Жолдауда.

⠀ ⠀
Жалпы Президент Жолдауының басым бөлігі экономикалық және әлеуметтік мәселелерге арналған. Әрбір жолдау Қазақстанның қарқынды дамуы үшін маңызы зор. Онда еліміздің дамуы үшін жаңа мүмкіндіктер қарастырылған.
⠀

Жоламан ауылдық округі әкімі аппаратының жетекші маманы Едигенова Айгерім Тулеуханқызы