Сайлауда әр дауыс маңызды

Аудан әкімдерін сайлау – ел тарихындағы стратегиялық мәні айрықша саяси науқан. Бұл – Президент Қасым-Жомарт Тоқаевтың Қазақстан халқына Жолдауында айтылған ел дамуы үшін қолға алынуы қажет басым бағыттардың бірі. Мемлекет басшысы тарапынан көтерілген бастаманы биылғы 5 қарашада республикада ең алғаш рет іске асыру үшін 45 аудан және облыстық маңызы бар қалада пилоттық режимде сайлау өтеді. Тұрғындардың мүддесін көтеруге бағытталған сайлау саяси реформаларға тың серпін береді, әрі халықтың ел басқару ісі мен шешім қабылдау үдерісіне белсенді түрде араласуына жол аша түседі.

Сайлау әкімдердің жауапкершілігін арттырады және бұл еліміздің демократиялық өзгерістер жолындағы тағы бір қадамы.  Аудан әкімін  сайлау – қазақстандықтардың саяси мәдениетін қалыптастырып, қоғамдық өмірге белсене араласуына жақсы ықпал етеді.  Ал аудан басшыларын таңдау  жауапты іс. Жергілікті халық аймақ басқаратын адамды таңдау үшін жауапты, ал әкім өзін  сайлаған халық алдында есеп беруге міндетті болады.

Сайлауда дауыс беру – әр адамның азаматтық борышы.  Сондықтан осы  саяси науқанға белсенді қатысып, өз таңдауымызды жасау ауданымыздың  келешегі  үшін  өте  маңызды  деп ойлаймын.

Нағыз халықтан сайланған кандидат  ауданымызға  әкім болса, ол үлкен жетістік. Өйткені халықтың қалауымен сайланған әкім ғана біздің ойымызды, үнімізді түсініп,  тиісті шаралар қабылдайтын болады.

Сондықтан сайлауға барып, өз таңдауларыңызды жасауға  шақырамын.  Себебі әрбір адамның дауысы маңызды.

Біздің ел демократиялық болғандықтан, әр адам өзінің болашағын таңдауға құқылы.

Кербұлақ аудандық мәслихатының аппарат басшысы Г. Рақымбекова