Ақыл-парасаты мол ұрпақ — ел болашағы

Біз  жаңа кезеңге қадам бастық,бүгінгі  уақытта елімізде зор өзгерістер кезеңі өтіп жатыр. Еліміздің басты құндылығы – адам, қуатты ұлттың діңгегі – халық. Ең бастысы, азаматтарымыздың денсаулығы мықты, білімі терең болуы, кәсібилік пен еңбекқорлық қоғамымызда ең жоғары орында    тұруы керек. Бұл – айқын мәселе. Сондықтан    ұлттық байлықты тең бөлу және баршаға бірдей мүмкіндік беру – реформаның басты мақсаты.

Еліміздің алдында тұрған басты міндеттің бірі – салауатты, саналы, білімді, ақыл-парасаты мол және ғылыми-мәдени өрісі кең ұрпақ тәрбиелеу екендігін президентіміз ерекше атап өтті.

Кез келген мемлекет үшін білім мен ғылымды дамыту аса маңызды. Қазақстан үшін де бұл саланы ілгерілету – мемлекеттік саясаттың басты тетіктерінің бірі. Сондықтан елімізде білім беру және ғылым саласын дамыту үшін қолға алынып жатқан шаралар көп.Бұл сала ұлт сапасын жақсарту ісінде аса маңызды рөл атқаратындығын және мектепке дейінгі тәрбие жұмысын басты назарда ұстау керектігін атап өткен. Қазақстан Республикасының білім саласындағы бүгінгі басты міндеттерінің бірі – жастарға терең білім беру. Мемлекет басшысы отандық білім беру жүйесінің үздік үрдісін сақтай отырып, бір орында тұрып қалмай, әрдайым даму жолында болу керектігін атап өткен. Президенттің айтуынша, бәсекеге қабілетті балаларды қалыптастыруда басты үміт мұғалімдерге жүктелетіндігін, сондықтан болашаққа жол сілтейтін мұғалімнің еңбегін лайықты бағалау – өте маңызды міндет, – деді. Мемлекет басшысының айтуынша, орта білімнің сапасы – табысты ұлт болудың тағы бір маңызды шарты, әрбір оқушының білім алып, жан-жақты дамуы үшін қолайлы жағдай жасалынуы,бұған «Жайлы мектеп» ұлттық жобасына ерекше назар аударуы дәлел бола алады. 2025 жылға дейін 800 мың баланың  заманауи мектепте оқуына жағдай жасайтындығы.

Әрбір қазақстандық жүргізіліп жатқан реформалардың мәнін және олардың Отанымызды өркендету жолындағы маңызын жете түсінуге тиіс. Реформаларды табысты жүзеге асыру үшін қоғамымыздың ортақ мақсатқа жұмылуы аса маңызды.