Ескерткіш елдіктің, өрліктің ерен үлгісі қашанда. Қос он жылдықта Талдықорған төрінде бой көтерген ескерткіштер қатары артты. Мерейтой аясында соның негізгілерін тізбектедік
Тарихы тереңнен тартатын, алғаш ашылған ескерткіштің бірегейі Сүйінбай Аронұлы ескерткіші. Алматы-Өскемен тас жолының бойында, Жастар спорт сарайының ауласында 2010 жылы салынды.
Көрнекті мемлекет қайраткері, қазақтың біртуар ұлы Дінмұхамед Қонаевтың 100 жылдық мерейтойына орай облыс орталығында арда азаматқа ескерткіш қойылды. Оның ашылуына Д.А.Қонаев халықаралық қоры ҚҚ бастамашы болды. Бюст 2012 жылы 14 қыркүйекте мерейтойында шымылдығын түрді.
Тағы бір еңселі ескерткіш 2016 жылы Тұңғыш Президент күні қарсаңында Талдықорған қаласында Нұрсұлтан Назарбаевтың ескерткіші ашылды. Ескерткіш мемлекеттің симводар алеясына қойылды. Ескерткіш авторы Қазбек Сатыбалдин.
Шаршы топта сөз бастаған Төле, Қазыбек, Әйтеке билерге де Жетісудың бас шаһарынан еңселі мүсінтас қойылды. 2006 жылы Тәуелсіздік көшесі бойынан халық көп жүретін шағын ауданда “Үш бәйтерек” ескерткіші ашылды.
Қаланың шығыс бөлігі, Қаратал шағын ауданында бой көтерген Қабанбай батыр ескерткіші. Ескерткіш 2009 жылы орнатылып, сол жылдың жиырма төртінші қыркүйегінде ашылған. Ескерткіштің авторлары: архитекторы – Қабай Баулуков, мүсіншілері – Мәлік Жүнісбай, Болат Құсайынов. Биіктігі 5 метр, салмағы 5 тоннаны құрайтын Ескерткіштің астына қойылған тас граниттен, ескерткіш қоладан құйылып жасалған. Ол жерде Қабанбай батыр бес қаруын асынып тұр.
Қалада І.Жансүгіров және Тәуелсіздік көшелерінің қиылысқан жеріне, Жетісу университеті алдындағы алаңға 1994 жылы Ілияс Жансүгіров ескерткіші қойылды. Ақынның 100 жылдық мерейтойы қарсаңында орнатылған нысан авторы — Т.Досмағамбетов. Қоладан құйылған ескерткіште ақынның биік жартастың үстінде, төменгі жақтағы табиғат көрінісіне көз жіберіп, толғанып отырған кейпі бейнеленген.
