Нақты шараларды атап көрсетті

Бүгін Мемлекет басшысы Қасым-Жомарт Тоқаев парламент палаталарының бірлескен отырысында Қазақстан халқына жыл сайынғы жолдауын жасады. Мемлекет басшысы биылғы Жолдауында Қазақстанның әлеуметтік әл-ауқатын жақсарту үшін қабылдануы керек нақты шараларды атап көрсетті. Елімізді ғана емес, бүкіл әлемді жайлаған коронавирус індеті ел экономикасына өз зиянын тигізбей қоймады. Жолдауда басты қозғалған тақырып — қазіргі қалыптасқан жағдайға байланысты қабылданған шешімдер болды. Президентіміз айтқандай, қазір еліміз күрделі кезеңдердің бірін бастан өткеріп отыр. Осындай сын-сағаттарда Президент елдің жұмылған жұдырық болуы тиіс екенін айтты. Бүгінгі Президент Жолдауы нақты қай салада еңбек өнімділігін артыру керек екенін айқындап берді. Ең бастысы, ауылшаруашылығын қолға алу. Жалпы, агробизнесті қолдау мақсатында бұл салаға инвестиция тарту керек деді.
Әрине әлеуметтік-экономикалық мәселелер әрқашанда негізгі сұрақтардың бірі болып табылатыны сөзсіз, сондықтан да ауылдастарымыздың әл-ауқаты мен тұрмыстық әлеуетін арттыруға және ел экономикасын дамытуға септігін тигізеді деген ойдамын.
Батырхан Тұрсынбаев Ешметұлы
Сарыөзек ауылдық округінің әкімі