Мемлекет басшысы Қасым-Жомарт Тоқаевтың 2021 жылдың 1-қыркүйегінде Қазақстан халқына жылдағы дәстүр бойынша Жолдауын жолдады.

«Ветеринария саласы бойынша мал басының амандығы және өнімділігі жергілікті ветеринария қызметкерлерінің тиімді жұмысына байланысты. Бұл түптеп келгенде ауылдағы ағайынның әл-ауқатына тікелей әсер етеді. Ветеринария қызметі қазіргі заман талабына сай болмаса, ауыл шаруашылығы өнімдерінің экспортын арттыру мүмкін емес. Осы салада жүйелі жұмыс атқарылуы тиіс. Атап айтқанда, үдерістерді цифрландыру, мәлімет жинау және оны автоматтандыру мамандарын даярлау және олардың жалақыларын көбейту шаралары. Үкімет жыл соңына дейін ветеринария жүйесін реформалау жөнінде нақты шараларды қабылдауы керек» деп, мал шаруашылығының дамуына, мал басын көбейтуде не істеуі керектігін тілге тиек етті.
Цифрландыру, мәлімет жинау, мәліметтерді автоматтандыру үшін жаңа мамандарды оқыту керектігін,сонымен қатар олардың еңбекақыларын көбейту керектігін, мал шаруашылығы қызметінің заман талабына сай болуын атап айтқан Мемлекет басшысының халқына жолдаған Жолдауын біз құптаймыз. «Малың аман-сау болса, жаның да сау» дегендей, қазақ елі ежелден мал бағып, оларға үлкен жауапкершілікпен қараған. Біздерге, мал дәрігерлеріне үлкен жүк артылып отыр. Қазақ елінің дәйім таза мал өнімдерін тұтынуы, экспорттау – ветеринария қызметкерлеріне артылған үлкен сенім деп білемін. Еліміздің экономикасының дамуы жолында әрқашан адал еңбек етуге дайынбыз.
Нүсіпхан Есенғабылов,аудандық ветеринария станциясының мал дәрігері