Қаратал ауданына су жаңа қос әкім сайланады
Екі орынға 6 үміткер бақ сынауда. Қаратал ауданындағы Бастөбе және Жолбарыс батыр ауылдық округтеріне су жаңа қос әкім сайланады.
Ауданда 7 сайлау учаскесі бар. Соның бірі, Бастөбе ауылдық округіне қарасты Ортатөбе ауылында орналасқан нөмірі 549-шы сайлау пункті. Мұнда 741 ауыл халқы дауыс бере алады. Түске дейін 403 тұрғын өз таңдауын жасаған.
Жауаптылардың айтуынша, 5 адам үйден дауыс беруге өтініш берген.
Туған өлкесінің түтінінің түзу шыққанын қалаған әрбір тұрғын саяси науқанға
қатысуда. Солардың бірі, Ортатөбе ауылының тұрғыны Татьяна Ким.
«Мен бүгінгі сайлауға келіп өз таңдауымды жасадым. Үміткер таңдауда қателеспедім деген ойдамын. Мен таңдаған кандидат Бастөбе ауылдық округінің әкімі болып сайланса қуаншыты болар едім. Бір айтарлығы кім сайлансада, оның мойнындағы жауапкершілік жүгі ауыр. Ол кіші отанымыздың гүлденуіне барын салып, ел үмітін ақтауы керек болады»,- дейді ауыл тұрғыны Татьяна Дягвановна.
