Қасым-Жомарт Тоқаев Қазақстан халқына ант берді
Елордада Қазақстан Республикасының Президенті Қасым-Жомарт Тоқаевты ұлықтау рәсімі өтті. Қасым-Жомарт Тоқаев Қазақстан халқына ант берді. Ант берiлгеннен кейiн Қазақстан Республикасының Мемлекеттiк Гимнi орындалды. Сонымен қатар, Орталық сайлау комиссиясының төрағасы Мемлекет басшысына Қазақстан Республикасы Президентiнiң куәлiгiн тапсырды. Осы сәттен бастап ол Президент ресми қызметiне кiрiсті. Естеріңізге салайық, Қасым-Жомарт Тоқаев 9 маусымда өткен кезектен тыс Президенттік сайлауда 70,96 процент дауыс жинап, жеңіске жеткен болатын. Nur Otan партиясының үміткеріне 6 миллион 539 мың 715 сайлаушы дауыс берген. Айта кетейік, Қасым-Жомарт Тоқаев әр жылдары Қазақстан Республикасының премьер-министрі, Парламент Сенатының төрағасы, Біріккен ұлттар ұйымы төрағасының орынбасары сияқты жауапты қызметтерді атқарған
Хабар 24 сайтынан алынды
«Nur Otan» партиясының кандидаты Қазақстан Республикасының Президенттігіне өткен Қасым-Жомарт Тоқаевты құттықтаймыз
Құрметті жерлестер!
«Nur Otan» партиясының кандидаты Қазақстан Республикасының Президенттігіне өткен Қасым-Жомарт Тоқаевты құттықтаймын. Бұл нәтиже Қазақстан халқының өз басшылығына деген сенімінің дәлелі. Өңіріміздегі қауіпсіздікті, тұрақтылық пен орнықты даму үдерісін қамтамасыз ету үшін, елдіміз бен халықтарымыз арасындағы көп жақты ынтымақтастық үшін сенім білдіріп, халқының игілігі үшін дұрыс таңдау жасадық. Мемлекет басшысына осындай өте жауапты қызметіне табыс тілеймін.
К.Б.Қыстаубаева Кербұлақ аудандық мәслихатының депутаты, Күреңбел қазақ орта мектебінің директоры
9 маусым — ел тарихында маңызды күндердің бірі болды. Барлық Қазақстандықтар тәрізді мен де туған еліміздің ертеңіне, тағдырына бей-жай қарай алмаймын. Аталған саяси науқанда жеңіске жеткен Қасым Жомарт Кемелұлының кандидатурасы Қазақстан халқын әл-ауқатының көтерілуіндегі оң нәтижелер беретініне кәміл сенемін. Қазақстанымызды дара жолға бастайтын, саяси аренадағы көрегенді көшбасшысы болатынына халық сенім білдіріп, өз таңдауың жасады. Қасым Жомарт Кемелұлы ылғи да елдік, ұлттық мүдде биігінен , шындық биігінен көрініп жүрген адам. Сондықтан да халқымыз осы сайлауда ерекше қадірлеп, құрмет тұтып ұлт көшбасшысын сайлады.
Д.Қонаев атындағы орта мектептің мұғалімі Чинарбаева Камшат Тұрсынғалиқызы
