АЛҒЫСҚА БӨЛЕНГЕН АРДАГЕРЛЕР

АЛҒЫСҚА БӨЛЕНГЕН АРДАГЕРЛЕР

Ақпанның 15 күні Ауған жерінен Кеңес әскерінің шығарылғанына 30 жыл толуына орай Жамбыл ауданында салтанатты жиын өтті. Ең әуелі көпшілік аудан орталығында орналасқан Ауған соғысының боздақтарына тұрғызылған ескерткішке гүл шоғын қойып, қаза болған жауынгерлерді еске алатын қаралы митиг өткізді. Жиынның екіші бөлігі аудандық мәдениет үйінде жалғасты.

Ең әуелі сахнаға Қазақстан Республикасының мемлекеттік туы енгізіліп, гимн орындалды.

Кешегі Кеңес армиясында азаматтық борышын атқаруға мәжбүр болған Қазақстандықтардың ұзын саны 22 мың 269 адам еді. Олардың 898-і жат жерде құрбан болып, туған жеріне оралмады. Солардың қатарында Жамбыл ауданынан аттанған 11 сарбаз болған еді.

Осы 30 жылдық мерекеге үш күн қалғанда жалпақ жұрттың қабырғасын қайыстырған азалы күн -Борис Керімбаевтың (Қара майор) қазасы еді. Ол арнайы мақсаттағы 177 жасақтың командирі болып, батыл жаугершілігімен аты аңызға айналған тұлға екені күллі Алашқа мәлім. «Қара майор көзі тірі болса осы айтулы мерекеде «Халық қаһарманы» атағын алар еді» – дейді жұрт. Жиынға келген көпшілік жат елде қаза тапқан жерлестеріміз бен марқұм Қара майорды бір минут үнсіздікпен еске алды. Сонымен қатар, Ауған соғысында қаза тапқан жауынгерлердің рухына тағзым ету мақсатында олардың аналары мен отбасы мүшелеріне арнайы дайындаған сый-сияпаттар тапсырылды.

Осыдан кейін алғашқы құттықтау сөзге шыққан, аудан әкімінің орынбасары Әділбек Далабаев барша жиылған көпшілікке Ауған жеріндегі шайқаста қаза тапқан жауынгерлердің өр рухына бүгінгі ұрпақ тағзым ететінін айтып, бақилық болған сарбаздардың жақындарына көңіл айтты. Қайсар мінезді жауынгерлердің ерлігі мен отан алдындағы адал парызы бүгінгі жас ұрпаққа үлгі-өнеге екенін атап өтті. Осы орайда Әділбек Қамбарұлы аудандық «Бача» Ауған соғысы ардагерлер ұйымы» қоғамдық бірлестігінің жетекшісі Бақтығұл Жақыпбековке Алматы облысынің әкімі Амандық Баталовтың Құрмет грамотасын табыстады. Сонымен қатар, Ауған жеріндегі шайқасқа қатысып, елге аман оралған 36 азаматқа аудан әкімінің алғыс хаты, «Афганская слава» төс белгісі, Б.Момышұлының «Батыр шапағаты» медалі берілді.

Содан кейін Алматы облысы Ауған соғысы ардагерлері мүгедектер қоғамының төрағасы Бауыржан Барлыбаев пен Жамбыл аудандық «Бача» Ауған соғысы ардагерлер ұйымы» қоғамдық бірлестігінің жетекшісі

Бақтығұл Жақыпбеков сөз сөйлеп, сонау Ауған жерінде қару асынып, мұң арқалаған азаматтарымыз еліміздің түкпір-түкпірінде абыройлы еңбек етіп жүргенін мақтанышпен айтып, олардың нәтижелі еңбегіне табыс тіледі. Кеш соңы мерекелік концертке ұласты.

НЕЗАБЫВАЕМЫЕ ПОДВИГИ

15 февраля 1989 года считается днем официального окончания войны на территории афганистана. В этом году исполняется 30 лет со дня окончания войны, которая длилась до 110 месяцев и унесла жизни многих людей. В связи с этим, в целях чествования ветеранов афганской войны в районном доме культуры прошло торжественное мероприятие «Ұмытылмас ерліктер».

Во главе с акимом района Маратом Разбековым воины- афганцы возложили цветы к памятнику в парке «Жастар». Собравшиеся почтили минутой молчания память воинов-афганцев. Мероприятие прошло в доме культуры, был предоставлен видеоролик, подготовленный молодежным ресурсным центром района. В ходе видеофильма наши ветераны поделились воспоминаиями о трудных временах, которые прошли на афганской земле. С приветственным словом к ветеранам обратился аким района Марат Разбеков. В ходе мероприятия Марат Мелисович и председатель районного совета ветеранов войны в афганистане Ерболсын Токжигитов презентовали книгу «Ұмытылмас ерліктер», посвященную 30-летию окончания войны. Казахстанским воинам-афганцам, с честью выполнившим свой интернациональный долг, было отдано особое почтение. В торжественной обстановке председателю районного совета ветеранов войны в афганистане Ерболсыну Токтасыновичу вручили нагрудный знак «почетный гражданин района», а всем афганцам были вручены благодарственные письма. Не остались без внимания и солдаты-афганцы, которые не смогли дожить до этого дня. Их родственникам были вручены памятные подарки. С поздравлениями выступили почетный гражданин района Садуакас Садыков, председатель районной организации ветеранов афганской войны Ерболсын Токжигитов, супруга ветерана афганской войны Зулхабира Атабаева.

Была предоставлена вниманию концертная программа. В ходе мероприятия были исполнены духовые песни, танцы. Эти дни уже история, но они не теряются в сознании человечества. Люди проведшие часть своей молодости между огнем и пулями, всегда остануться в нашей памяти воинов, потому что, их героизм-наследие народа, наказ-потомкам

Ұмытылмас ерліктер

1989 жылдың 15 ақпаны 10 жылға ұласқан Ауғанстан жеріндегі соғыстың ресми аяқталған күні болып есептеледі. 110 айға созылып көптеген адамдардың өмірін жалмаған соғыстың аяқталғанына биыл 30 жыл толды. Осыған орай, Ауған соғысының ардагерлеріне құрмет көрсету мақсатында аудандық мәдениет үйінде «Ұмытылмас ерліктер» атты салтанатты шара өтті.

Алдымен аудан әкімі Марат Разбеков бастаған ауғандық ардагерлер «Жастар» саябағында жат жерде оққа ұшқан жерлес жауынгерлердің құрметіне бой көтерген ескерткішке гүл шоқтарын қойды. Жиналғандар бір минуттық үнсіздікпен есіл ерлерді еске алып, рухтарына тағзым етті. Мәдениет үйінде өткен шара шымылдығын аудандық жастар ресурстық орталығы арнайы дайындаған бейнебаян түрді. Бейнефильм барысында ардагерлеріміз Ауған жерінде өткен қиын кезеңдерді еске алып, өмір мен өлім арпалысқан сәттерін толғаныспен жеткізді. Ардагерлерді аудан әкімі Марат Разбеков құттықтап, жылы лебізін білдірді. Шара барысында Марат Мелісұлы мен аудандық Ауған соғысы ардагерлері ұйымының төрағасы Ерболсын Тоқжігітов 30 жылдыққа орайластырылып жарық көрген «Ұмытылмас ерліктер» атты кітаптың тұсауын кесті. Қазақстандық жауынгерлердің қатарында өздерінің интернационалдық борыштарын абыроймен атқарған ауғандықтарға айрықша құрмет көрсетілді. Атап айтқанда аудандық Ауған соғысы ардагерлері ұйымының төрағасы Ерболсын Тоқтасынұлының кеудесін аудандық мәслихат хатшысы Қадыр Абдрахманов салтанатты жағдайда табыстаған «ауданның Құрметті азаматы» белгісі көркейтсе, барша ауғандықтарға арнайы қолсағаттар мен Алғыс хаттар беріліп, құрмет көрсетілді. Бұл күнге жете алмаған жерлес ауғандық жауынгерлердің де есімдері ескерусіз қалмады. Олардың етжақындарына естелік сый-сияпат көрсетілді. Сахна төріне көтерілген ауданның Құрметті азаматы Садуақас Садықов, аудандық Ауған соғысы ардагерлері ұйымының төрағасы Ерболсын Тоқжігітов, Ауған соғысы ардагерінің жары Зулхабира Атабаева жүрекжарды лебіздерін ақтарды.

Аудан өнерпаздары арнайы дайындаған концерттік бағдарлама сонау Ауған жерінде қару асынып, мұң арқалаған, ортақ тағдыр біріктірген ардагерлердің көңілін толқытқандығы сөзсіз. Шара барысында рухты әндер шырқалып, әсем билер көрерменге ұсынылды. Бұл күндер тарих қойнауына көшкенмен, адамзат санасынан өшпейді. Жауқазын жастық шақтарының бір бөлігін оқ пен оттың ортасында өткізіп, Отан бұйрығын үнсіз орындаған

жауынгерлердің қайсарлығы қашанда ел есінде. Өйткені ерлік — елге мұра, ұрпаққа — аманат.