Елімнің болашағын партиямен байланыстырамын

«Нұр Отан» – Қазақстанның ірі саяси партиясы. 1999 жылы Президент Нұрсұлтан Әбішұлы Назарбаевтың бастамасымен «Отан» партиясы атымен құрылған.
1999 жылғы 1 наурызда партияның І құрылтай съезі өтіп, онда Қазақстан Республикасының Президенті Нұрсұлтан Әбішұлы Назарбаев бірауыздан партия Төрағасы болып сайланып, Саяси кеңес, Орталық ревизия комиссиясының құрамы бекітіліп, партия Жарғысы қабылданған. 1999 жылы негізі қаланған партия өз қатарына миллиондаған қазақстандықтарды жинады. 2006 жылғы 22 желтоқсанда «Отан» партиясының кезектен тыс Х съезінде «Отан» республикалық саяси партиясын «Нұр Отан» Халықтық-демократиялық партиясына қайта атау туралы ұсыныс, сондай-ақ, «Отан» партиясының Жарғысына өзгерістер мен толықтырулар енгізу туралы қаулы жобасы қабылданды.
2013 жылдың 18 қазанында «Нұр Отан» Халықтық-демократиялық партиясы «Нұр Отан» деп өзгертілді. Партия өз қызметін бастаған жылдар ішінде Нұрсұлтан Назарбаевтың жетекшілігімен Қазақстан халқын топтастырудың негізгі тетігіне айналды. Егеменді еліміздің барлық табыстары мен жетістіктері елдің басты партиясы мен оның көшбасшысы Елбасымыз – Нұрсұлтан Әбішұлы Назарбаевтың сарабдал саясатының арқасы деп айтсам, артық айтпаған болармын. «Нұр Отан» партиясының саяси күші бар болғандықтан, оны халықтың партиясы деп атауға болады. Қазақстанды нығайтудағы ерекше миссия «Нұр Отан» партиясына тиесілі. Биліктің тізгінін өз қолына алған «Нұр Отан» партиясы елімізде ұлттың болашағы үшін тынбай жұмыс жасап жатқан бірден-бір партия. Қазірдің өзінде өзіндік тарихын қалыптастырып үлгерген көшбасшы партияның алар асулары ауқымды. Жыл сайын қатары толыға түскен қоғамдық ұйымның іс-әрекеті әлеуметке жақын және мәселелердің шешілуіне ұйытқы болуда. Қаншалықты жоспар, тиімді бағдарламалар болғанымен, оны сапалы іске асыру әрбір партия мүшесінің жауапкершілігінде. Қоғамның тұтастануына бағытталған бастамалары, ұзақ мерзімді акциялары, қайырымдылық шаралары әлеуметтің еңсесін көтеруде.
Партия мүшесі ретінде өзімнің ел алдындағы адалдық, бірлік, ізгілік сынды азаматтық ұстанымды ұстана отырып, әрқашанда «Нұр Отан» партиясының қандай да болсын бастамаларын қолдайтынымды айтқым келеді. Қандай жағдай туса да, ұлт болашағы, республикамыздың халқы үшін аянбай, «Нұр Отан» партиясымен бірге еңбек етейік, ағайын!
Бөкен РЫСБЕКОВ,
№3 Қызылжар сайлау округінің депутаты, Кербұлақ аудандық мәслихатының хатшысы, «Нұр Отан»

«Нұр Отан» — нақты істердің партиясы
Осыдан жиырма жеті жыл бұрын еліміз бабалар аңсаған Тәуелсіздікке қол жеткізіп, өз алдына дербес мемлекет болып, өз қолы өз аузына жетіп, тірлік-тіршілігін жасай бастады емес пе? Жас елдің саяси-қоғамдық санасы беки қоймаған сол бір кезде көптеген саяси партиялар, қозғалыстар қоғамға келіп, өз басымдық-ұстанымдарын жүзеге асыруға барын да, нарын да салды. Сан мен сапасы үйлесім таппағандықтан болар, мемлекеттігіміздің іргесін бекітуге күш-қайраты жетпеді. Жеткен күнде де бақталастық зиянын келтірді. Сондықтан азаматтарды адастырмайтын, елді дамыту бағытында оңтайлы бағдар ұстанатын, қолда бар алтынды бағалайтын, бір сөзбен айтқанда, ұстанымы нық, тұғыры биік бір орасан саяси-қоғамдық күш, яғни партия ауадай қажет болды. Елбасы Н.Ә.Назарбаевтың тікелей мұрындық болуымен 1999 жылы ресми түрде «Отан» республикалық партиясы құрылды. Уақыт өте келе «Нұр Отан» Халықтық-демократиялық партиясы, ал 2013 жылдың соңынан «Нұр Отан» партиясы болып аталды.
Міне, биыл «Нұр Отан» партиясының құрылғанына 20 жыл болады. Осы уақыт iшiнде партиямыз шынығып, шыңдалып, елiмiздегi ең үлкен саяси күшке айналғаны белгiлi. Құрылған күннен бастап ол барлық елдiк iстiң басы-қасында келе жатыр. Халқымыздың береке-бiрлiгiнiң артуына, бiздiң саяси тұрақтылығымыздың нығаюына, экономикалық реформаларды табысты iске асыру үшiн атсалысып келе жатқан

НҰР-ОТАН партиясымен бірге

Елбасы Н.Ә.Назарбаев жетекшілік ететін «Нұр Отан» партиясы қазақстандық көшбасшы партия ғана емес, әлемдік деңгейде де бағыт-бағдары айқын және даму барысы дараланған биіктігімен бағалы болып отыр. Мемлекет басшысы дәстүрлі Жолдауында «Нұр Отан» партиясына басымдық беріп, қоғам тынысындағы қайбір мәселе болмасын партияның араласуына жол ашып келеді. Мемлекет, партия тарапынан ауылға үлкен қамқорлықтар жасалуда.
«Нұр Отан» партиясы алғашқы құрылған күннен тың бастамалар көтеріп, жауапты шешімдер қабылдауға ұйытқы болып келеді. Әрі партия елмен етене қайнасып, халықтың мүддесін жеткізіп жүрген бірден-бір қоғамдық ұйым болып табылады. Бүгінде «Нұр Отан» партиясы нағыз халықтық партия екенін көрсетіп келе жатқанын көріп отырмыз. Сол себепті өткен сайлаулардың бәрінде көпшіліктің сеніміне ие болып отыр, – деді Елбасы.
Партиялық жобалардың барлығы халықпен тығыз байланыста жүзеге асырылғанын байқауға болады. Мысалы, «Біздің ауыл», «Ардагерлерді ардақтайық», «Бақытты отбасы» сынды жобалар.
Әлеуметтік бағдарламалар күшейтіліп, түрлі деңгейдегі жастарды қамтыды. Өз мүддесін халықпен санастыра білген еліміздің әрбір тарихи қадамдары биік белестерге жетелейді. «Біздің басты құндылығымыз – ол Тәуелсіздігіміз» деген партия Төрағасы Н.Ә.Назарбаевтың сөзі жастардың санасында әркез жаңғырып тұрары сөзсіз. Себебі, ертеңгі баянды болашақтың бағдарын жалғайтын бүгінгі жастар.
Партиялық жобалардың ішінде «Сәтті қадам», «STOP-қылмыс», «Жастар кадрлық резерві» атты жастарды қолдайтын ауқымды шаралар өтуде. Қазақстан бүгінгі күні іргесі берік, ынтымағы жарасқан, экономикасы күннен-күнге, инновациялық-индустриалды бағытта дамыған қуатты мемлекетке айналуда.
Біз, Елбасы алға қойған мақсаттарды орындау үшін, ортақ іс-қимыл жасауға міндеттіміз. Осы жауапкершілікті әрбір партия мүшесі сезінуі керек, алдымызға нақты мақсат қойып, сіздермен бірлесе отырып, ауданымыздың да биік шыңдарға шығуына бірге атсалысайық!
К. ҚЫСТАУБАЕВА,
аудандық мәслихаттың депутаты, Күреңбел қазақ орта мектебінің директоры.

Мүмкіндігі шектеулі жандарға қолдау көрсету, олардың қоғамдық іс-шараларға белсене қатысуына жағдай жасау – партия жұмысындағы басымдықтардың бірі. Бұл – Елбасы, партия Төрағасының тікелей тапсырмасы. Сондықтан бүгінде «Нұр Отан» партиясы осы салаға ерекше көңіл бөліп, тың бастамаларды жүзеге асырып келеді. Осы орайда, Жаңа жыл мерекесі қарсаңында «Нұр Отан» партиясының 20 жылдығына орай, «Партияның 20 қайырымды ісі» республикалық акциясы аясында аудандық «Нұр Отан» партиясының белсенділері аудандық «№9 психологиялық-педагогикалық коррекциялық кабинеті» КММ-нің көмекті қажет ететін балаларға арналған жаңажылдық ертеңгілігіне қатысып қайтты.
Салтанатты жиынды аудандық партия филиалының есеп және статистика секторының меңгерушісі Ермек Өмірханұлы аналар мен балаларды Жаңа жылмен құттықтап, жылы лебізін білдірді. Аталмыш шара барысында кішкентай бүлдіршіндерге жаңажылдық сыйлықтар табысталды. Жаңа жылдан ғажайыптар күтетін сәбилердің қуанышында шек болмады. Аналар алғыстарын жаудырып, ризашылықтарын білдірді.
Маржан МАРАТҚЫЗЫ,
«Нұр Отан» партиясы Кербұлақ аудандық филиалының эксперті

«Нұр Отанмен» бірге нұрлы болашаққа

Биліктің тізгінін өз қолына алған «Нұр Отан» партиясы елімізде ұлттың болашағы үшін тынбай жұмыс жасап жатқан бірден-бір партия екені баршаға мәлім. Партияға жетекшілік етіп отырған Елбасы Нұрсұлтан Әбішұлы Назарбаевтың көрегендігі мен сарабдал саясатының арқасында еліміздің қуаты артып, әлем мойындаған мемлекетке айналдық.
Бүгінгі күнде бастауыш партиялық ұйымдардың тыныс-тіршілігін заманға сай сапаландыру бағытында да қолға алынып отырған жұмыстар сенімділік ұялатады. Жоспарлы түрде өткізіліп отырған түрліше шараларда партияның аудандық филиалының атқаратын рөлі орасан.
Солардың бірі, «Нұр Отан» партиясының бастамашыл жобаларының бірі — «Тілдердің үштұғырлығына өту». Жоба мемлекет басшысының тапсырмасы шеңберінде іске асып жатқан, үштілділікті енгізу жөніндегі ауқымды бағдарламаны қолдау бағытында дайындалды.
Жастардың ағылшын тіліне деген қызығушылығын ояту мақсатында партия тарапынан ауылдық жерлерде ағылшын тілін үйренуге қолайлы орта қалыптастыруға және елімізде еріктілер қозғалысын дамытуға басымдық беріліп отыр. Осы жоба аясында жүзеге асырылған «English for Jastar» жобасы аудан орталығындағы Д.Қонаев атындағы орта мектебінде 9-11 сынып оқушыларына, І.Жансүгіров атындағы Жетісу мемлекеттік университетінің екі студенті еріктілер ретінде ағылшын тілінен екі ай көлемінде сабақ өткізіп, нәтижесінде оқушылар екі ай бойы сабақ барысында ағылшын тілін одан ары жетілдіріп, тапсырмаларды орындауда белсенділік танытты.
Қазан айында «Цифрлық партия» жобасы аясында Д.Қонаев орта мектебінде балаларға арналған ақысыз IT-сынып ашылды. Бұл жоба аясында балалар бағдарламалау және робот техникасының негіздері жайында Еуропалық білім беру стандарты негізінде тереңдетілген білім алатын болады. Партияның бастамашыл жаңа 22 жобасының қабылдануы жоспарлы, жүйелі жұмысымыздың одан әрі де жемісті болуына үлкендік мүмкіндік беріп келеді. Бүгінгі күнде ауданда партиялық жобалар кезең-кезеңімен іске асырылып, ел игілігіне айналуда.
Сонымен қатар, партияның «Жас Отан» жастар қанатының да қайраткерлігі өз алдына бір төбе. Өскелең ұрпақтың бойында елжандылық, ұлтжандылық, отансүйгіштік атты асыл қасиеттерді дамытуда әрдайым табандылық танытады. Оған куә партияның «Ардагерлерді ардақтайық», «Жастар –Отанға», «Сәтті қадам» жобалары.
Көшбасшы партияның «Жас Отан» Жастар қанаты бүгінде мыңдаған жасты топтастырып отыр. 2006 жылдан бастап қызметін бастаған «Жас Отан» бүгінде түрлі жастың сүйікті ортасына айналды. Жастар қоғамның қозғалуына қатысушылар, олар өз бастамаларын бүгінде үлкен орта «Жас Отан» арқылы айта алады. 2012 жылы болған «Жас Отан» жастар қанатының екінші съезінде Елбасы жастарды «менің жас көмекшілерім» деген еді. Жыл басынан бері «Жас Отан» ЖҚ-ның бастамасымен ауданда ұзақ мерзімді акциялар өткзілуде.
Қорыта келе айтарым, «Нұр Отан» партиясының 20 жылдығы құтты болсын. Партиямыз тұғырлы, елдігіміз ғұмырлы болсын. Мәңгілік елді бірге жасайық. Алға, «Нұр Отан»! Алға, Қазақстан!
Әсемгүл ОМАРОВА,
Сарыөзек ауылдық округі әкімі аппаратының жастар ісі жөніндегі нұсқаушысы, «Жас Отан» ЖҚ белсенді мүшесі.