Кербұлақ ауданының 2018 жылдың 11 айындағы әлеуметтік-экономикалық дамуының қорытындысы, 2019 жылы алда тұрған міндеттері туралы

Ауданымызда өнеркәсіп өнімдерінің көлемі осы кезеңде 1 млрд 684 млн теңгені құрап, нақты көлем индексі 103,9%-ды құрады, бұл көрсеткіш өткен жылдың осы мерзімімен салыстырғанда 239 млн теңгеге артты.
Аймақтарды индустрияландыру картасына енгізілген «Ала Цем» ЖШС-нің цемент зауытының құрылысы жүргізілуде. 2019 жылдан бастап «Жарық Энерго» жауапкершілігі шектеулі серіктестігі Көктал өзенінің бойынан қуаттылығы 50 мГвт-тты құрайтын ГЭС құрылысын бастағалы жатыр, жоба құны 27 млрд тенге. Бүгінгі таңда құрылыс монтаж жұмыстарына қажетті құжаттар дайындалуда. Сонымен қатар, «Көксай кен орны» бойынша алтын, күміс, мыс және молибден қазба байлықтарын өндіру мақсатында барлауға, геологиялық іздестіру жұмыстарын жүргізуге аумағы 1 540 гектар жер учаскесіне 2018 жылдың желтоқсан айының соңына дейін «Консолидирлік құрылыс компаниясымен» жұмыс мерзімі ұзартылды.
Ауыл шаруашылығы жалпы өнімінің көлемі 32 млрд 439 млн теңгені құрады немесе 2 млрд 530 млн теңгеге артық орындалды, нақты көлем индексі 102,9%. Ауданның агроөнеркәсіптік кешенінің 2020-2027 өңірлік бағдарламасын дамыту тұжырымдамасы бойынша 8 бағдарлама анықталды. Олар:
1. Етті бағыттағы мал шаруашылығы;
2. Сүтті бағыттағы мал шаруашылығы;
3. Қой шаруашылығы;
4. Дәнді дақылдар;
5. Майлы дақылдар;
6. Картоп шаруашылығы;
7. Қант қызылшасы;
8. Су шаруашылығы.
100 км су жүйесін күрделі жөндеуге жобалау сметалық құжатын дайындауға 9 млн теңге қаржы алынды.
Шағын және орта бизнестің әрекет етуші субъектілерінің 2017 жылдың сәйкес кезеңімен салыстырғанда 1,6 %-ға артып, 3 мың 238 бірлікті құрады. (өткен жылы 3 116 субъект). Бүгінгі күні кәсіпкерлікте 12 мың 972 адам жұмыс істейді немесе аудандағы экономикалық белсенді халық санының (экономикалық белсенді халық 27 мың 450) 46 пайызы. Шағын және орта бизнес субъектілерінен 335 млн 438 мың теңге салықтармен міндетті төлемдер түсіп, 2017 жылдың сәйкес кезеңіне — 110 %-ға орындалып, жергілікті бюджеттің жалпы көлеміндегі үлесі 31 % -дан 34 %-ға артты.
Негізгі капиталға тартылған инвестиция көлемі 8 млрд 49 млн теңгені құрады, нақты көлем индексі — 178,6 %.
Бөлшек тауар айналым көлемі 5 млрд 811 млн теңгеге жетіп, нақты көлем индексі 102,8 пайызды құрады.
Құрылыс жұмыстарының көлемі 2,2 есе өсіммен 5 млрд. 780 млн. теңгені құрады. Сонымен қатар, 6 мың 184 шаршы метр тұрғын үй пайдалануға беріліп, нақты көлем индексі 133,6 %-ға орындалды. 2019 жылға арналған бюджетпен 18 жалгерлік үйдің құрлысына 176 млн теңге, оның инженерлік желісіне 50 млн теңге, Қосағаш орта мектебінің құрлысына 100 млн теңге, 124 гектар жер телімінің электр жүйесімен жабдықтауға 387 млн теңге, «Өңірлерді дамыту» бағдарламасы арқылы Көксу орта мектебін ағымдағы жөндеуге 23 млн теңге, Архарлы негізгі мектебін ағымдағы жөндеуге 18 млн теңге, ағымдағы шығындармен Қоғалы ауылының әкімдік ғимаратын күрделі жөндеуге 125 млн теңге, Жоламан ауылының әкімдік ғимаратын ағымдағы жөндеуге 16 млн теңге, Алтынемел әкімдігіне / бұдан ары қарай әкімдік / 16 млн теңге, Сарыбастау әкімдігіне 15,5 млн теңге, Сарыбұлақ әкімдігіне 18 млн теңге, Қаспан әкімдігіне 5 млн теңге, 200 орындық Өнер мектебінің құрлысының жобалау жұмыстарына 7176 мың теңге, орталық стадионның құрылысын жобалау жұмыстарына 5 млн теңге, Панфилов атындағы орта мектептің күрделі жөндеу жұмыстарына 10 млн теңге қаржы бөлінді. Барлығы құрылыс жұмыстарына 971 млн теңге қаржы алынды.
Президенттің бес әлеуметтік бастамасының бірінші бастамасы «Әрбір отбасына баспана алудың жаңа мүмкіндіктерін беру» 7-20-25 бағдарламасын орындау мақсатында аудан орталығында жеке тұрғын үй құрылысына бөлінген 124 га жер телімінен 1,4 га жер учаскесін инвестициялық жоба арқылы салынатын 10 екі пәтерлі және 4 төрт пәтерлі екі қабатты тұрғын үйлерді салу үшін (жалпы 36 пәтер) бөліп беру қарастырылуда. Құрылыстың сметалық құны 1 шаршы метр 160-180 мың теңгені құрайды. Бүгінгі күнге жеке үй салушы «Күнгей Агро-Строй» ЖШС-і ауданға тіркеліп, 450 млн. теңгеге банк кепілдемесін ұсынды. Сонымен қатар, ауданда осы бағдарламамен РБК банкі арқылы 22 азамат түрғын үй алуға ниет білдіріп, өтініштерін тапсырды.
«Нұрлы жер» бағдарламасына сәйкес, жеке тұрғын үй құрылысына бөлінген 124 гектар жер телімінің инфраструктурасы сумен жабдықтауға республикалық бюджеттен 258 млн теңге бөлініп, су жүйесінің құрылыс жұмыстары басталды. Енді пысықталған бюджетпен сумен жабдықтау жүиесінің құрылысына 132,0 млн теңге алу қарастырылуда. Бүгінгі күнге Сарыөзек ауылында жер кезегінде 967 адам тіркеуде тұр. Осы жоғарыда аталған 124 гектар жер телімінің инженерлік инфраструктурасы аяқталған жағдайда, 50 жалгерлік тұрғын үйге, 40 пәтерлі 5- қабатты үиге, 14 жер учаскесі «7-20-25» бағдарламасының аясында 36 пәтерге, 436 жер учаскелері кезекте тұрған азаматтарға бөлініп берілуі жоспарлануда.
Тұрғын үй-коммуналдық шаруашылығы саласында Архарлы, Тастыбастау, Майтөбе, Қаспан, Шанханай, Жаңалық ауылдарының су жүйесін жаңалауға және оның құрылысына 654 млн теңге бөлініп, игерілді. Жыл соңына дейін 4 елді мекен орталықтандырылған сумен қамтамасыз етілді. Қамту деңгейі 88,9 %-дан 92,1 % — ға өсті. Сарыөзектің кәріз жүйесінің құрылысына республикадан 515 млн теңге бөлініп, игерілді. Енді 2019 жылғы бюджетпен Жаңалық ауылының су жүйесінің құрлысына 90 млн теңге, Сарыөзектің кәріз жүйесінің құрлысына 568 млн теңге, Шанханай ауылының су жүиесін реконструкциялауға 100 млн теңге, Басши ауылындағы Аралтөбе ауылының су жүйесін жобалауға 5 млн теңге, Талдыбұлақ ауылының су жүйесін жобалауға 5 млн теңге, Сарыөзекті абаттандыруға 19 млн теңге, «Күреңбел су» кәсіпорнының жарғылық капиталын толықтыруға 137 млн теңге барлығы тұрғын үи коммуналдық шаруашылығына 924 млн теңге қаржы алынды.
Жергілікті маңызы бар жолдарды орташа жөндеуге 214 млн теңге бөлініп, аудан орталығының 8 көшесі және 6 ауылдың ішкі көшелері жасалды. Облыстық маңызы бар «Сарыөзек — Хоргос- Қоғалы — Көксу — Қарабұлақ» автомобиль жолының 43 шақырымын орташа жөндеуге 1 млрд 600 млн теңге, Жоламан ауылына кірмежол (0-14 км) орташа жөндеуге 400 млн теңге бөлінді. 2019 жылдың бюджетіне Шаған ауылының кірме жолын орташа жөндеуге 175 млн теңге, Жоламан, Сарыбастау, Қарағаш, Басши, Қоғалы, Жайнақ батыр, Шұбар, Қызылжар ауылдарының ішкі көше жолдарын /16 көше/ орташа жөндеуге 153 млн теңге, Сарыөзектің көшелерін /14 көше/ орташа жөндеуге 170 млн теңге, « Нұрлы жер» бағдарламасы бойынша 124 гектар жер теліміне көше жолдарының құрлысын жобалауға 26 млн теңге, барлығы 524 млн теңге алынды. Облыс арқылы Қарағаш ауылына кірме жол /0-23 км/ орташа жөндеуге 335 млн теңге, Шанханай ауылына кірме жол / 0-5 км/ орташа жөндеуге 105 млн теңге барлығы өңір бойынша жол жөндеуге 964 млн теңге қаржы алынды.
Бюджетке салықтармен басқа да міндетті төлемдерді жинау жоспары 103,1%-ға орындалып, 1 млрд 553 млн теңгені құрады. Өткен жылмен салыстырғанда бюджетке 97 млн 524 мың теңге артық түсіп, өсу қарқыны 6,7 пайызды құрады. Ауданның бюджеті шығыстар бойынша 7 млрд 210 млн теңгені құрап, 99,6 %-ға орындалды.
Халықты жұмыспен қамту бойынша жұмыссыздық деңгейі 4,7 %-ды құрады. Есепті мерзімде 1 мың 246 тұрақты жұмыс орындары ашылып, жылдық жоспар 100 пайызға орындалды. Жұмыспен қамту бөліміне 1071 жұмыссыз жүгініп, олар толығымен жұмысқа орналастырылды. Ақылы қоғамдық жұмысқа 339 адам тартылып, жоспар 113 пайызға орындалды. Жастар практикасына 61 адам жіберіліп, жоспар 136 пайызға орындалды. Электронды биржа арқылы 930 адамды жұмысқа орналастыру жоспарланса, нақты 864 адам жұмыспен қамтылды. Әлеуметтік жұмыс орындарына 33 адам жіберіліп, жоспар 110 пайызға орындалды.
Білім саласы бойынша ауданымызда 33 орта, 8 негізгі, және 11 бастауыш мектептері бар. Мектепке дейінгі даярлықпен қамтылуы 97,8 %.
«Өңірлерді дамыту» бағдарламасы аясында 44 млн теңгеге ауданда 6 білім нысаны ағымдағы жөндеуден өткізілді. Шұбар орта мектебіне 373 млн теңге бөлініп, күрделі жөндеу аяқталды. Кең жолақты интернетке 52 мектеп қосылды, оның ішінде жоғары жылдамдықтағы желіге 6 немесе мектептердің 11,5 %-ы. 2019 жылдың бюджетіне жаңа модификациялы кабинеттердің материалдық техникалық базасына 26 млн теңге, пәндік кабинеттер үшін компьютерлер сатып алуға 13,5 млн теңге, ID классқа материалдық техникалық базасына 28,6 млн теңге, мектептермен балабақшаларға Елтаңба, Ту сатып алуға 8,6 млн теңге, бейнебақылау камераларын орнатуға 7,2 млн теңге, парта сатып алуға 50 млн теңге, 5 мектепке дәретхана сатып алуға 18,8 млн теңге барлығы білім саласының метериалдық техникалық базасын жаңартуға 154 млн теңге қаржы алынды.
Денсаулық сақтау саласы бойынша 1 жасқа дейінгі балалардың өлім жағдайы көрсеткіші 6,78 (5 жағдай) құрады. (2017 жылы – 9,30 (7 жағдай). Ана өлімі жоқ. Туберкулезбен ауыру көрсеткіші 2017 жылы 9 адам ауырса, 2018 жылы 16 адам тіркелген. Бруцеллезбен 2017 жылы 14 адам ауырса, 2018 жылы 9 адам ауырып, 5 ауруға азайған. Вирусты гепатитпен 2017 жылы 1 ауру тіркелсе, 2018 жылы ауру тіркелмеген. 2019 жылдың бюджетімен жұқпалы аурулар бөлімшесінің ғимаратына кұрделі жөндеуге жобалау жұмыстарына 10 млн теңге, аспаздық бөлімшесінің ғимаратына күрделі жөндеу жобалау жұмыстарына 10 млн теңге, Шанханай ауылының амбулаториялық пунктін күрделі жөндеу жобалау жұмыстарына 7 млн теңге, Көксу ауылының амбулаториялық пунктін күрделі жөндеу жобалау жұмыстарына 6 млн теңге, Талдыбұлақ ауылының амбулаториялық пунктін күрделі жөндеу жобалау жұмыстарына 7 млн теңге барлығы 40 млн теңге қаржы бөлінді.
Мәдениет саласы бойынша 63 үйірме жұмыс жасайды. Оларға 837 адам тартылған. Аудандық Әбікен Сарыбаев атындағы Мәдениет үйінде 41 адамнан құралған ұлттық аспаптар оркестрі жұмыс істеп тұр. Биылғы жылы осы мәдениет үйінде «Рухани жаңғыру» бағдарламасы аясында «Күреңбел» фольклорлық этнографиялық ән-би ансамблі құрылып, өз жұмысын бастады. 2018 жылы Мәдениет үйінің материалдық техникалық базасын жаңартуға жергілікті бюджеттен 50 млн теңге қаржы бөлінді. Ә.Сарыбаев атындағы Мәдениет үйінің ғимаратын күрделі жөндеу жобалау жұмыстарына 3,6 мың теңге қаржы алынды.
Құқықтық тәртіп бойынша ағымдағы жылы 13 ауылдық округте участкелік инспекторларға қызметтік мекенжаймен қосарланып салынған тұрғын үй пайдалануға беріліп, тәртіп сақшылары тұрып жатыр. Есепті мерзімде 390 (2017 жылы 390) қылмыс тіркеліп, былтырғы жылмен салыстырғанда қылмыстың тіркелуі 7,1 %-ға азайған. Атқарылып жатқан жұмыстардың нәтижесінде ауыр қылмыстар 10 жағдайға азайып, 7 пайызды құрады./ 2017 жылы 17/ аса ауыр қылмыстар 2 жағдайды құрап, 1 пайызға көбейді /2017 ж -1/.
Ғалым ДОМБАЕВ,
аудандық экономика және бюджеттік жоспарлау бөлімінің басшысының міндетін атқарушы.