Бос иттерге тоқтау бола ма?

«Естімеген елде көп» дегендей, бұл да бір келеңсіз әрі ойланатын
жағдай дегім келеді. Ауылдастарыма кішкене ренішімді білдіре отырып,
еріксіз қолыма қалам алдым. Әрине, «Ит — жеті қазынаның бірі» дейтініміз
рас. «Биыл ит жылы болғаннан соң дандайсығанды шығарды ма?» деп
те ойлаймын. «Итің жаман дегенде, өлгенім-ай» дегендей, көзбен көріп,
құлақпен естіген соң адамның шыдамы таусылмай қайтсін? Ауылдың әр
үйінен үш-төрттен ит шығатыны шындық. «Сол иттерді байлап, ұстаса
болмас па екен?» деймін. Бос жүрген иттерден қорқып, ауыл тұрғындары
ертелі-кеш балаларын мектепке алып барып, алып қайтады. Бұл — әурешілік
емей немене?
«Үрген иттен қорықпа, ол қабам деп, хабар бергені. Үрмеген иттен қорық,
ол білдірмей қабам дегені» деп бұрынғылар бекерге айтпаған ғой. Уақыт
өтіп, керуен көшіп жатыр. Қолданылған шара жоқ. Қашанғы немерелерімізді
бос жүрген иттерден қорғаштауға болады?
Әнуарбек ҚЫРБАСОВ,
Шоқан ауылының тұрғыны