Алматы облысында коммуналдық төлемдерге өтемақылық тарифтер енгізілді

2018 жылдың 1 қазанынан бастап Алматы облысында компенсациялық тарифтер жарияланып, Талдықорған мен Қапшағай қалаларында жылу үшін алынатын төлемақы 15%-дан 77%-ға дейін төмендеген. Бұл туралы табиғи монополиялық субьектілерімен өткен қоғамдық қабылдау кезінде белгілі болды.

2022 жылға дейін монополиялық субъектілерге инвестициялық бағдарлама аясында 8,966 млр.теңге қарастырылып, 2015-2017 жылдар аралығында ол сомадан 3,77 млрд. теңге жұмсалған.

Соңғы үш жылда, монополия субъектілерінің инвестициялық бағдарламалары мен тарифтік сметаларының орындалу жұмыстары тексеріліп, оның нәтижесінде облыста 3,8 млрд. теңге көлемінде төмендетілген тарифтер енгізілді.

Аталмыш міндеттердің дұрыс жасалу жүйесін қалыптастыру және халықты мазалаған сұрақтарға жауап қайтару мақсатында ағымдағы жылдың 12 қазан күні облыстық табиғи монополияларды реттеу, бәсекелестікті және тұтынушылардың құқықтарын қорғау департаменті, Талдықорғанда қоғамдық қабылдау өткізді. Онда жылу, жарық, су және басқада қызмет көрсету орталықтарының субъектілерімен қоғамдық ұйымдар, кәсіпкерлер палатасы арнайы шақырылды.

Департамент басшысы Руслан Кенжебековтың айтуынша, мұндай іс-шаралар халықпен берік қарым-қатынас орнатуға және көкей кесті мәселелерді жедел шешуге мүмкіндік береді дейді.

« Халықтың әл-ауқатын жақсарту үшін елімізде коммуналдық тарифтерді төмендету туралы бірқатар бұйрықтар қабылданған болатын. Осы заң төңірегінде біздің мекеме белсенді жұмыстар атқарып келеді. Бүгін де өткізіліп отырған іс-шара тұрғындардың мәселелерін шешуге және ашық тарифтік жүйені қалыптастыруға өз игілігін тигізеді деп ойлаймын » ,- деді ол.

Айта кету керек, мұндай қоғамдық қабылдаулар бір реттік емес, алдағы уақытта да жүргізілетін болады.