Маңызды мәселе талқыланды

2018 жылғы 19 қыркүйекте аудан әкімдігінің мәжіліс залында Алматы облыстық статистика департаментінің жауапты қызметкерлерінің қатысуымен 2019 жылғы халық санағын жүргізуге дайындық туралы түсіндірме семинары өтті. Семинарға ауылдық округтерінің әкімдері мен жауапты бас мамандары, сондай-ақ тізім бойынша бірқатар мүдделі органдардың басшылары қатысты.
Аталған шараны кіріссөзбен аудан әкімінің бірінші орынбасары Қожахметов Серікбай Бакенұлы ашып, сөз кезегін Алматы облыстық статистика департаменті басшысының орынбасары Динара Орысбайқызы Молдағұловаға берді.
Баяндамашы халық санағын жүргізуге қатысты қызмет түрлерімен және оларды ұйымдастыру жолдарымен толық таныстырды. Семинар жұмысына осы департаменттің статистика ақпараттарын пайдаланушылар, жұмыс басқармасының басшысы К.Баянова және ауыл шаруашылығы басқармасының басшысы Ю.Малкаров қатысты.
Б.АСКАМБАЕВ,
аудан әкімі аппаратының
ұйымдастыру және АХАТ
бөлімінің бас маманы