Әділеттің ұраны, ақиқаттың шырағы
Конституция күніне орай ауданымыздың орталық
алаңына жұртшылық көптеп жиылды.
Қасиет тұнған қазақ елінің бүгінгі күнге дейінгі өсу жолында
елімізге қорған болған Ата Заңымыздың өмірге келгеніне биыл
23 жыл толып отыр. Ұлтымыздың сан-қилы тарихында Қасым
ханның «Қасқа жолынан» бастау алған бүгінгі Конституциямыз –
Елбасы ұсынып, халық қолдаған, елімізді биік белеске шығарған,
тарихи маңызы аса зор құжат. Ата Заңды ардақтау – келешекке
керуен тартқан мемлекетіміздегі әрбір азаматтың асыл парызы,-
деген жүргізушілер салтанатты жиынды ашық деп жариялады.
Қазақстан Республикасының мемлекеттік Гимні орындалды.
Мерекелік құттықтау және марапаттау үшін сөз кезегі аудан
әкімі Махаббат Сәдуақасұлы Бигелдиевке берілді.
— Мемлекетіміз тәуелсіздік алған сәттен бастап адам және
оның құқығын жоғары қойды. Ата Заңымыз — ең үлкен тарихи
жетістігіміз, ол еліміздің бірлігін нығайтып, толағай табыстарға
жол ашты. Сондықтан, егемен еліміздің барлық жетістіктері — бұл
Конституцияның және соның негізінде қабылданған заңнама
іс-әрекетінің нақты жемісі. Ата Заң — біздің барлық құқықтық
мәдениетіміздің қайнар көзі, асыл қазынамыз. Сондықтан
оны ардақтау — еліміздегі әрбір азаматтың парызы. Баршаңызды
бүгінгі мерекемен шын жүректен құттықтаймын, дендеріңізге саулық,
отбастарыңызға амандық тілеймін,-деп, Ата Заңымыздың мән-
маңызына, қадір-қасиетіне тоқталды, сондай-ақ, өңірдің әлеуметтік-
экономикалық дамуы жолында атқарылып жатқан игі істерді де тілге тиек
етіп, Конституция күнімен құттықтады.
Ауданымыздың бірқатар азаматтары марапатталды, атап айтсақ:
аудан әкімінің Алғыс хатымен және бағалы сыйлығымен қазақ күресінен
Азия чемпионы атанған Ербол Алдухан, оның жаттықтырушысы Еркін
Қожахметов, аудан әкімінің Алғыс хатымен аудандық соттың бас
маманы Шолпан
Изгуттиева, аудан
прокуратурасының
п р о к у р о р ы
Гүлзия Әділова,
аудандық әділет
б а с қ а р м а с ы н ы ң
маманы Меруерт
Тұрсынбаевалар.
С о н д а й — а қ ,
аудандық қаржы
бөлімінің бас
маманы Әсел
Біләлова мен
аудандық құрылыс
бөлімінің бас
маманы Айжан
Анапиянова ант
қабылдады.
Қазақстан Республикасының мемлекеттік рәміздері шығарылды.
Бұдан соң конституция күніне арналған Д.Қонаев атындағы, №49,
Сарыөзек және Күреңбел қазақ орта мектептерінің театрландырылған
көріністері қойылып, Сарыөзек әскери гарнизонының, білім саласының,
денсаулық сақтау саласының, аудан спортшыларының шеруі өтті.
Ешкім де мін таға алмас елдігіме,
Дауласып, жармаспайды белдігіме.
Бойында Ата Заңның өріліп тұр,
Даламның кеңдігі де, теңдігі де,-дей келе, мерекелік концертке кезек
берілді.
О.Тұрысбековтың орындауындағы аудан әкімі М.Бигелдиевтің
сөзіне жазылған Б.Есебаевтың «Қазақстаным – ұлы Отаным-ай»
әні, Сәуле Қожаханованың орындауындағы Л.Хамидидің «Жайлауым
бақша жайнаған» әні, Айдана Жұмабекованың орындауындағы «Елім
менің» әні, Айдана Мұсағұлованың орындауындағы «Қазағымсың»
әні және аудандық Ә.Сарыбаев атындағы Мәдениет үйі әншілерінің
орындауындағы Ж.Жексенбаевтың «Тәуелсіз елім Қазақстан» әні
көпшіліктің көңілінен шығып, қошеметке бөленді.
«Әрбір атқан таңнан батар күннің аралығында әрқайсымыздың
мақсат-мүддеміздің, адами құқығымыздың сақталуын, мемлекетаралық
және ұлтаралық абыройымызды арттыру жолында дәнекер болатын
Ата Заңымыздың болашағы жарқын, абыройы асқақ болсын!» деген
жүргізушілер салтанатты жиынды аяқтады.
Осы күні ауыл шаруашылығы бөлімінің ұйымдастырған
жәрмеңкесі де өз мәресіне жетті. Аудан тұрғындары қалта көтерерлік
бағамен ет, сүт, құрт, май, ірімшік, жеміс-жидек, көкөністерді сатып
алып, қысқа дайындық жасауға асықты.
Айнаш МӘМІЛЕНҚЫЗЫ