Жарқ еткен жасын ғұмыр

 2018 жылыдың 27 сәуірінде Алматы облысының мәдениет, архивтер, және құжаттама басқармасының қолдауымен, М.Тынышбаев атындағы Алматы облыстық тарихи-өлке тану музейі мен Шоқан Уәлихановтың «Алтынемел» мемлкеттік мемориалды музейінің ұйымдастыруымен Ш.Уәлихановтың ғылыми мұрасын зерттеуші ғалымдардың еңбектерін көпшілікке насихаттап, дамыту мақсатында «Жарқ еткен жасын ғұмыр» атты облыстық ғылыми теориялық конференсия болып өтті.

Елбасы Нұрсұлтан Әбішұлының «Болашаққа бағдар: Рухани жаңғыру» мақаласы аясында, қазақ халқының ардақты перзенті, әйгілі ғалым Шоқан Шыңғысұлы Уәлихановқа арналған «Жарқ еткен жасын ғұмыр» атты мәдени іс-шараға тарихшылар мәдениет танушылар, этнографтар, музейлердің ғылыми қызметкерлері, мәдениет және білім беру мекемелерінің қызметкерлері қатысып, атсалысты.

Облыстық ғылыми конференсияға келген қонақтар қатарында Ш.Уәлиханов атындағы тарих және этнология институтының директоры Қабылдинов Зиябек Ермұханұлы, Д.Қонаев атындағы университетінің прфесоры Гүлмира Қайсарқызы, зерттеуші ғалым Иманалиев Смайылжан, Ш.Уәлиханов атындағы Сырымбет тарихи- этнографиялық мұражайының директоры Құлбаев Уәлихан Қайроллаұлы т.б Ш.Уәлихановтың ғылымын зерттеуші азаматтар қатысты.

Шара бағдарламасы Ш.Уәлихановтың зиратына тағзым етуден басталып, ауыл имамы құран бағыштады. Келген қонақтар ескерткішке гүл шоқтарын қойысты. Аудан әкімінің орынбасары Болысбай Тоғысбайұлы Момбаев және ҚР Орталық музейінің директорының орынбасары Ғалия Теміртанқызы құттықтау сөз сөйлеп, бүгінгі іс-шараның маңыздылығына тоқталды. Ауданымыздың Ә.Сарыбаев атындағы Мәдениет үйінің орындауында «Түнгі серуен» театрландырылған көрінісі көрсетіліп жиналған қауім жоғары деңгейде өнер көрсеткен ауданымыздың өнерпаздарына ризашылықтарын білдірісіп жатты. Сонымен қатар Ш.Уәлиханов музейінің экспозисиясымен танысты. Сол күні Алматы қаласындағы Орталық музейдің «Шоқан асулары» атты көрмесі ашылды. Көрме 25 мамырға дейін жұмыс жасайтын болады.

Іс-шара барысында зерттеуші ғалым Иманалиев Смайылжанның «Алты шахар» деген кітабының тұсау кесері болды. Мәдениет үйінде конференсияда Ш.Уәлиханов атындағы тарих және этнология институтының директоры Қабылдинов Зиябек Ермұханұлы, Д.Қонаев атындағы университетінің прфесоры Гүлмира Қайсарқызы, Ш.Уәлиханов атындағы тарих және этнология институтының қызметкері Р.Оразов лексия оқыды. Конференсия соңы аудандық Ә.Сарыбаев атындағы Мәдениет үйі әншілерінің концерттік бағдарламасына ұласты.

Дидар ДИХАНБАЕВ.