Электронды бағдарлама

 Электронды бағдарламалардың басқа да соттарда қолданылуы, интернет желісі қызметтерінің қанат жаюы 2007 жылы Қазақстан Республикасы Жоғарғы Соты аппаратының жетекшісінің орынбасары Б.Сақаловтың басшылығымен республиканың барлық соттарында «Қазақстан Республикасы сот органдарының Бірыңғай автоматтандырылған ақпараттық-талдау жүйесі» бағдарламасының енгізілуіне түрткі болған. Қазіргі кезде еліміздің мемлекеттік органдарындағы ісқағаздарын жүргізуді автоматтандыру мақсатында электронды құжат айналымын қамтамасыз ететін электронды бағдарламалар енгізілді. Бұл әлбетте, құжат айналымын жедел әрі қарай қарапайым түрде жүзеге асыруға септігін тигізді. Ісқағаздарын жүргізу барысының дұрыс ұйымдастырылуы, оның заман талабына сай жетілген автоматтандырылған болуы сот кеңселерінің қалыпты әрі шапшаң жұмыс істеуіне кепіл бола алды.Заман талабына сай есептеу техникасын белсенді пайдалануға мүмкіндік беретін автоматтандырылған технологияны енгізуде жинақталған тәжрибе – бірегей табысымыз. Кеңсе жұмысы, сонымен қатар, міндеттерді мамандарға мақсатты түрде бөліп берудің, семинар сабақтарын, танымдық сот процестерін өткізу, басқа соттармен тәжрибе алмасу арқылы мамандарды біліктілік деңгейін, еңбек тәртібін арттырудың арқасында жанданды. Кеңсенің жалпы соттың жұмысын жетілдіру шаралары ешқашан дамыл таппақ емес. Сот жұмысын жақсартуды алға қойған міндеттерді жүзеге асыру мақсатында сотта қоғам қызығушылығын оятқан істерге байланысты ай сайын брифинг ұйымдастырылып, тоқсан сайын өткізілетін баспасөз мәслихаттарында соттың статистикалық мәліметтері мен көрсеткіштері жарияланады. Бұған қоса азаматтар мен заңды тұлғалар үшін ай сайын «Ашық есік» күндері өткізіледі. Соттың интернет желісіндегі ақпараттың ашықтығы мен қолжетімділігі азаматтардың, заңды тұлғалардың, судьялар қауымдастығы өкілдерінің, бұқаралық ақпарат құралдарының, мемлекеттік және құқық қорғау органдарының сот жүйесінің қызметі туралы мейілінше мол ақпарат алуына мүмкіндік туғызып отыр.

Ж.А.Есбергенова,

Кербұлақ аудандық сотының бас маманы.