Бірлік пен татулық, береке бастауы

Қазақстан бүгінде ұлттар мен ұлыстар мекендеген достық пен туысқандықтың, ынтымақ пен ырыстың ордасына айналды. Елбасы Н.Ә.Назарбаев халықтар достығы бірлік пен татулық орныққан елдің жаңа әлемдегі жаңа Қазақстан болуы керектігін ұлы міндет етіп қойды. Еліміз бауыры бүтін, мызғымас мемлекетке айналып, бірлігіміз бен елдікті еселеп биік белестер мен алынбас асуларды бағындыра білді. Қазақстанды 120-дан астам ел танып, 130-дан астам ұлт пен ұлыстың өкілдері бір шаңырақтың астында еркін де ерікті, тату-тәтті өмір сүруде. Осы орайда Қарашоқы ауылдық округінде 1-мамыр Қазақстан халықтарының бірлігі күніне «Бірлік пен татулық, береке бастауы!» атты салтанатты жиын және мерекелік концерт өтті.

Қазақстан халқы өркен жайып, мемлекетіміз молшылыққа, әрбір шаңырақ шаттық пен бақытқа кенелген, ауылды түлетіп, халықты ұлы ету, ауылымыз ұлылар мекені болу үшін әрбір шаңырақ өркендеуіне өз үлесімізді қосайық ардақты ауыл тұрғындары деді өз сөзінде ауылдық округ әкімі Д.Акбасова.

Ағайынды алтаудың барлығымен,

Ынтымақтық Алланың жарлығымен.

Бір шаңырақ астында сан ұлтымен,

Болашаққа бет алды, халқым ерен!

Жаса мәңгі татулығы жарасқан

Тәуелсіз ел!,

демекші әр мекеме қызметкерлері, Қарашоқы орта мектебінің оқушылары, «Балбөбек» бөбекжай балабақшасының бүлдіршіндері әр ұлт өкілдерінің киімдерін киіп, өз өнерлерін ауыл тұрғындарының назарына ұсынды. Атап айтсақ, Қарашоқы орта мектебінің ұстаздарының орындауында ұйғыр биі және «Балбөбек» бөбекжайының бүлдіршіндерінің орындауында «Асатаяқ», «Достық» биі көрермендердің көңілінен үлкен орын алды. Ауылдық әкім аппаратының қызметкерлерінің орындауында украин әні, ауылдық дәрігерлік амбулатория қызметкерлерінің орындауында орыс халқының частушкасы және балабақша ұжымы қызметкерлерінің корей халқының биі орындалып, Мұқаш Нұрсұлтанның «Алға Қазақстан» әні көрермен көңілінен шықты.

Мерекелік іс- шара «Менің отаным- Қазақстан» атты Қазақстан халқының бірлігі күніне арналған мерекелік концертке ұласты.

Иә, солай сүттей ұйып бірлігі, жарасуда ұлыстардың тірлігі. Өйткені осы қазақ елі қашанда, береке мен ынтымақтың түндігі дегендей киелі Қарашоқы ауылында мамыр мерекесі осындай мерекелі де, берекелі деңгейде өтті.

Қарашоқы ауылдық кітапханасының

меңгерушісі Ж.Кокусбекова