Гүлге оранып қазақтың атырабы, Кенеліп қуанышқа жатыр әні!

«Наурыз — жаңа бастамалардың өмірге дендеп енуіне негіз қалайды»
деген еді Елбасымыз Нұрсұлтан Әбішұлы Назарбаев.
Ежелгі наурыздан бастау алған дәстүрлер бүгінде жаңаша
жалғасып тың мазмұн мен мағынаға ие болуда халықымыздың
бақыты бірлікте екенін уақыт көрсетті. Өйткені ынтымақ қазақтың
ежелгі, ешқашан өшпейтін сал-дәстүрлерінің арасында келді.
Осы орайда біздің ауданымызда да Наурыз мерекесі кең көлемде
аталып өтті. Сондай ұлық мерекені жақында «Алматы облысның
жұмыспен қамтуды үйлестіру және әлеуметтік бағдарламалар
басқармасы мемлекеттік мекемесінің «Қоғалы арнаулы әлеуметтік
қызмет көрсету орталығы» коммуналдық мемлекеттік мекемесі
атап өтті. Мерекеге Қоғалы арнаулы әлеуметтік қызмет көрсету
орталығының директоры Нұрмолдаев Талғат Қиниятұлы, аудандық
орталық аурухананың бас дәрігері Қалдыбев Қанат Зекенұлы,
аудандық жұмыспен қамту және бағдарламалар бөлімінің башысы
Диханбаева Айгүл Тұрдақынқызы, аудандық
ішкі істер бөлімінің басшысы Оңғарбаев
Талғат Күмісбекұлы, Кербұлақ ауданы №2
аудандық сотының төрағасы Үмбетай Абдулла
Мүбәрәкұлы, Қоғалы ауылдық ауруханасының
меңгерушісі Төкен Нұрқасымов, терапевт-
дәрігер Көпжасарова Гүлнәр Қайратқызы,
дәрігер Жердева Людмила Павловна, Қоғалы
ауылдық полиция бөлімшесінің басшысы
Абдукаримов Ерік Байжұматұлы, орталықтың
ұжымы мен БАҚ өкілдері қатысты. Арнаулы
әлеуметтік қызмет көрсету орталығының ауласы
мерекеге сай безендіріліп қазақ үй тігіліпті.
Қазақтың ұлттық киімін киіп, кермаралдай
керілген қыздар, кимешек киген әзиз аналар
ауылдың алты ауызын айтып қонақтарды
қарсы алды. Кіре берісте Наурыз мерекесін
ұлықтайтын ұран сөздер жазылып ілінген.
Қазақ үйдің ішінде қолдан тоқылған кілемдер,
самаурын, алаша-төсеніштер қойылған. Көз
сүріндірер қолөнер бұйымдары, ою-өрнекпен
нақышталған көрпе, жастық, шілтерлер, қазаққа тән қонақжайлықпен
жайылған дастархан ұлтымыздың ұлылығын тағы бір паш еткендей.
Төрге ілінген қазақтың қара домбырасы, түлкі, қасқыр терілері, қазақ
үйдің бір бұрышына орын алған келі-келсап, саба, бәрі-бәрі берекелі
қазағымның беркесін әсем жеткізгендей. Әсіресе ұлттық киімдегі қыз-
келіншектер мерекенің сәні мен әрін толықтырып тұрғандай.
Наурызым қайта оралды аты аңыз,
Сұраймыз алғыс та біз, ақы да біз.
Үй-дастархан, даламыз сахнамыз,
Ұлы мейрам Наурызға шақырамыз,- деп мерекені бастаған жүргізуші
алғашқы сөз кезегін аталмыш орталықтың директоры Нұрмолдаев
Талғат Қиниятұлына берді.
-Құрметті қонақтар!
Наурыз – бүкілхалықтық мереке өткенімізді ой елегінен өткізіп,
келешекті белгілейтін кезең жаңа өмірдің, жаңа жылдың бастауы.
Бұл кезде дала төсі дүбірге толып, қызу науқан басталады. Көктемнің
әр күні жылға азық. Қоғалы ауылының табиғаты қандай әдемі
болса, осы жерде тұратын халықтың да тіршіліктері жақсы. Бәріңізді
мерекемен құттықтап дендеріңізге саулық, еңбектеріңізге жеміс,
отбасыларыңызға бақ-береке тілеймін, деп жүрек-жарды лебізін
білдірді Талғат Қиниятұлы.
Бұдан соң сөз кезегін алған аудандық орталық аурухананың
бас дәрігері Қанат Зекенұлы, аудандық жұмыспен қамту және
бағдарламалар бөлімінің басшысы Айгүл Тұрдақынқызы, аудандық
ішкі істер бөлімінің басшысы Талғат Күмісбекұлы жиналғандарды
мерекемен құттықтады. Қазақтың өшпейтін салт-дәстүрлері
«Тұсау кесу», «Қыз ұзату», «Ат қою» рәсімдері көрсетілді. Қазақ
халқы қашанда өнерге бай халық. Сондықтанда қазақтың тойы ән
мен күйсіз өткен емес. Мереке орталық ұжымы қызметкерлерінің
күшімен қойылған концерттік бағдарламаға ұласты. Төлеубай
Айбаршынның орындауындағы «Таныстыру», Оразбаева Эльмира
мен Найзабекова Назгүл «Наурыз көктем», Кабдуллаев Абылай «Боз
жорға», Оразғұлов Ғарифулла мен Гауһар «Дудар-ай», Төлеубаева
Айбаршын мен Найзабекова Назгүл «Гүлсің-ау», Балабаев Жандос
«Өз елім», әндері Жұмаділ Айнаның «Аққу биі», қыздар тобының
орындауындағы «Адай күйі» көпшіліктің көңіліне шығып, мерекені
одан әрі әрлендірді. Жиналғандарға меркелік көңіл-күй сыйлаған
орталықтың өнерпаздары ән-жырдың құдыретін тағы бір паш
еткендей болды.
Әсерлі концерттпен кейін жиналғандар наурыз көжеден дәм
татысты. Осынау әнге, жырға, күйге толы мерекеден қаймағы
бұзылмаған ауыл бейнесін көріп тұрып, есіме бір ақынның мына өлең
жолдары оралды.
Гүлге оранып қазақтың атырабы,
Кенеліп қуанышқа жатыр әні!
Ақ отау — құт пен бақыт егіз қонған.
Әз – ана салқын қымыз шақырады.
Лайым осылай болғай…
Дина АМАНҚЫЗЫ.