Әр шаңыраққа қуаныш әкелген бастама

Жылдың басы тіршіктің жандануы, шұғылалы көктемнің алғашқы күндері үлкен мерекелермен қатар, игі бастамаларға арқау болды. Оған дәлел 5 наурызда жарияланған көреген көшбасшымыз Н.Ә.Назарбаевтың «Президенттің бес әлеуметтік бастамасы» атты халыққа Үндеуі.
Показать полностью…
Елбасымыз көшбасшылыққа келген сәттен бастап біршама бастама көтеріп, барлық шараларды үлкен жетістікпен тәмамдап отырды. Басшымыздың «Бүгінгі таңда ел қамынан басқа қандай мүдде болуы мүмкін? Сондықтан елдің ақыны да, әкімі де бір мақсатты көздеуі керек!» деген сөзі бүгінде нақылға айналып, барлық азаматтарды халық игілігі үшін іс атқаруға жігерлендіруде. Қай заманда да қай істе болмасын ел көшін бастаушы азамат пен халық бір болып тұтастық құрғанда — мемлекетіміздің болашағы мен бүгіні жарқын болады.
Еңбектеген баладан, еңкейген қарттың қамы қамтылған Үндеу — жылдың тамаша бастамасы. Болашағына аяқ басып бара жатқан жас буын бастамадағы жоғары білім алудың қолжетімділігі мен студент жастардың жатақханадағы жағдайын жақсарту туралы үшінші бастамаға қуанып жатса, жұмыскерлер еңбек жалақысы төмен жұмысшылардың еңбекақысын көбейту үшін салық жүктемесін азайту туралы екінші бастамаға, ал отбасылар «Әрбір отбасына баспана алудың жаңа мүмкіндіктерін беру» туралы бірінші бастамаға қуанышты екендерін білдіруде.
Көгілдір отынның еліміздің әр түкпірінде болуы халқымыз үшін өте тиімді әрі пайдалы екені даусыз. Осы орайда елді газбен қамтамасыз етуді жалғастыруды қамтыған бесінші бастама орын алды. Сонымен қатар, өзін-өзі еңбекпен қамтыған және жұмыссыз тұрғындардың арасында жаппай кәсіпкерлікті дамыту үшін атқарылып жатқан жұмыстардың аясында жеңілдетілген шағын несие беру неғұрлым тиімді тетік саналатын төртінші бастаманы кәсіпкерлер ынтамен қабылдады.
Үндеудің «Ақырын жүріп, анық бас, еңбегің кетпес далаға» деп ұлы Абай атамыз айтқандай, шағыннан бастап, ірі кәсіпкерлікті көтеруге арналған үлкен мүмкіндіктерге жол ашатынына сенімдерін білдіріп жатыр.
Дарқан даламызды мекен еткен әр қазақтың шаңырағына қуаныш әкелген бастамаларыңыздың қатары арта берсін!
Зере САЙЛАУ,
аудандық ішкі саясат бөлімінің бас маманы.