Неке және отбасы

Үйлену оңай,  үй болу қиын демекші  Кербұлақ аудандық сотының  судьялары мен мамандарының бірнеше рет газет беттеріне  неке және отбасы туралы мақалалары жарияланған,  бірақ ешқандай нәтиже жоқ,  аудандық сот өндірісінде  күннен-күнге  неке бұзушылардың саны өсуде.

Олардың арасында  жаңа отбасын құрған жанұялар көп кездеседі,  ортақ некелерінен  жасөспірім балалары бар,   балаларының ертеңгі күні не боларын білмейді, себебі әкенің немесе шешенің тәрбиесін алмаған балалардың болашағы қандай болады деп  ойлану қажет.      

Елімізде отбасы институты мен болашақ ұрпақ тәрбиесі және ұлттық болмысымызды сақтап қалу үшін нені басшылыққа алу керек?

Ең басты мәселе – отбасын берік нығайту. Ене мен келін, әке мен ұл, ана мен бала, күйеу мен әйел арасындағы түсіністікті, бір-біріне деген сыйластықты қалыптастыру керек. Мұндай құрмет ата-баба мұрасында сақталған. Отбасындағы түсіністік, татулық – отан сүйгіштікке, мемлекетшілдікке бастайды. Жақсы жанұялар – мемлекет мерейі. Қазақта «Әкесін сыйламаған ұлдан без, шешесін сыйламаған қыз, келіннен без» деген мақала  бар. Егер баласы әкесін, келіні енесін сыйламаса, ол жерде ешуақытта жақсылық болмайды. Барлық бақыт отбасындағы осындай құрметтен басталады. Бұл – ата мен бала арасындағы жалғастық, ұрпаққа жайылатын үлкен қасиет.  

                                                                                                        А.Н.САДИЕВА,

    Кербұлақ аудандық сотының судьясы.