Ауылшаруашылық қызметкерлерінің мерейі артты

ҚР Президенті Нұрсұлтан Назарбаевтың «Қазақстан Республикасындағы кәсіби мерекелер және атаулы күндер туралы» Жарлығына сәйкес қараша айының үшінші жексенбісінде ҚР Ауыл шаруашылығы қызметкерлерінің күні атап өтіледі.

Жуырда аудандық Ә.Сарыбаев атындағы   мәдениет үйінде осы мерекеге  байланысты  ауылшаруашылық қызметкерлеріне  құрмет көрсетілді. Мерекелік іс-шараға қатысушылар: аудан әкімдігінің қызметкерлері, бөлім басшылары, ауыл әкімдері, шаруа қожалықтарының басшылары мен еңбеккерлері  мәдениет үйінің фойесіне қойылған ауданымызда өндірілген  ауылшаруашылқ өнімдерінің  көрмесін тамашалады.Залға кіріп жайласқан жұрт  жүргізушілердің құттықтауынан кейін  телекөрсетілім арқылы ауданымыздағы ауылшаруашылығы саласында атқарылған жұмыстармен танысты.

Мерекелік  жиынды аудан әкімі Баңдат Алиев  ашып,  ауылшаруашылық қызметкерлерін мерекелерімен құттықтады.

-Құрметті ауыл шаруашылығы күні мерекесіне қатысушылар!Бүгінгі мереке  қаһарын төккен қыста да, жаздың аптап ыстығына, жауын-шашынға да қарамай еңбек ететін Сіздердің мерекелеріңіз, Сіздердің құрметтеріңізге арналады. Біріңіз біліп, біріңіз білмессіздер, ауданымыздың экономикасында ауылшаруашылығының үлесі  82 %-ды құрайды. Биылғы жылы егін шаруашылығынан мол өнім алынып ,11 айда ауыл шаруашылық саласында өндірген өнім көлемі 26 млрд 970 млн теңгені құрады. Егістік алқап көлемі 6061 гектарға өсті.Дәнді дақылдар егістігінен 172249 тонна астық өндірілді, немесе өткен жылмен салыстырғанда 6885 тонна артық өнім алынды. Бұдан басқа 5880 тонна майлы дақыл, 49926 тонна картоп, көкөніс және бақша дақылдарынан 15567 тонна, қант қызылшасынан 3010 тонна өнім өндірілді.Егін шаруашылығында 17228,8 млрд.теңгенің өнімі өндірілді,-деп,аудан    экономикасының өсуіне ауыл шаруашылық еңбеккерлерінің қосқан үлесінің зор екенін ерекше атап өтті.

Ауданымызда өңдеуші кәсіпорындардың  жылдан жылға көбейіп отырғандығын, солардың бірі  «Риза Май» кәсіпорыны және қарақұмық өңдейтін цехқа тоқталды. Үстіміздегі жылы ауданымызда 172 млн. 160 мың теңгеге 32 жаңа техникалар сатып алыныпты. Биылғы 2017-2018 жылға мал қыстату науқанына 154 мың тонна шөп, 4,4 тонна пішен, 21 мың тонна сабан және 24 мың тонна мал азықтық жем дайындалып, биыл себілген 150 гектар көп жылдық шөпке 3 млн. 160 мың теңге субсидия беріліпті.Үстіміздегі жылдың 11 айында мал шаруашылығында 26 млрд. 970 млн. теңгенің өнімі өндірілді, немесе 110 % ға өскен.Қазіргі кезде ауданда 279 477 бас қой-ешкі, 57544 бас ірі қара, 17749 бас жылқы, 589 бас шошқа, 63 бас түйе, 61471 бас құс бар. Өткен жылмен салыстырғанда 105% ға өсті. Ауданда бүгінгі күнге 8 мал бордақылау алаңы жұмыс жасауда.Биылғы жылы мал бордақылау алаңдарында 3800 бас қойылған. Осы мал бордақылау алаңдарынан 540 тонна ет өндіріліпті.

Аудан әкімі ауылшаруашылығының әр саласына жеке -жеке тоқталып ,мал бордақылау алаңдарын көбейтіп, экспортқа ет өнімдерін шығаруды қолға алып, мал тұқымын асылдандыру жұмыстарын жандандырып, асыл тұқымды мал санын көбейту, ауданда сүт өндірісін жолға қою арқылы, оны өңдеу шараларын іске асыру бойынша атқарылатын шаруалардың барлығын атап өтіп,  сондықтан сүтті ірі қара өсірумен айналысатын шаруа қожалықтарының жұмысын жандандыру керек екендігін айта отырып,

-Бүгінгі жиында атқарылған жұмыстарды өздеріңіз көрдіңіздер, келешекте де еңбектеріңіз жемісті болып, аудан экономикасын дамытуға Сіздердің бұдан да зор үлес қосатындарыңызға сенемін!- деп мемлекеттің қамқорлығы мен қолдауы арқасында ауданымыздағы ауыл шаруашылық саласы үлкен жетістіктерге толы екендігін мәлімдей келе, еліміздің гүлденіп, халқымыздың ырысын молайту жолындағы ерен еңбектеріне толағай табыс тіледі

Кезек   аудандағы ауыл шаруашылығының үздік еңбеккерлері мен жақсы жетістіктерімен танылған қожалық басшыларын,мүшелерін марапаттауға берілді.Аудан әкімі ауылшаруашылығының дамуына қосқан  елеулі үлесі және  жоғарғы  көрсеткіштері  үшін Бекиев Алдан Ботайұлына облыс әкімінің Құрмет грамотасын, Жайнақ батыр ауылдық округінің әкімі А.Баяділовке   ауылдық округтар арасынан ауылшаруашылық жәрмеңкесі  байқауына қатысып, халықтың әл-ауқатын көтеруге қосқан үлесі үшін облыс әкімі Амандық Баталовтың  Алғыс хаты мен  100000 теңге сыйақысын табыс етті.

Марапат қашанда адамның мерейін өсіріп, көңілін көтереді. Міне, бүгінгі күн талай жанның мерейін өсірген күн болды. «Зарина » шаруа қожалығының  агрономы Өлеңбаев Бауыржан  Қазақстан Республикасы Ауыл шаруашылығы Министрінің Құрмет грамотасымен , Қызылжар өндірістік кооперативінің төрағасы Күлшембаев Ержан, «Мерей» шаруа қожалығының басшысы  Рахатов Қайсар облыстық ауылшаруашылық басқармасының «Құрмет грамотасымен»,облыстық  ауылшаруашылық басқармасының «Алғыс хатымен» «Сүттіқожа» шаруа қожалығының басшысы Сүттіқожанов Шоқан марапатталды.Ауылшаруашылығы саласының дамуына қосқан елеулі үлесі және кәсіптік шеберлігі мен жоғарғы өндірістік  көрсеткіштері үшін «Бостан »шаруа қожалығының басшысы Тұрғанбаев Ғалым Тұрғанбайұлы, «Талғарбаев » шаруа қожалығының басшысы  Талғарбаев Құдайберген, «Омаров» шаруа қожалығының басшысы Омаров Жанат Сайланбайұлы, «Адал» шаруа қожалығының басшысы Садықбеков Еркін Жұманұлы, « Мусаевтар»шаруа қожалығының басшысы  Мусаев Асылбек Айтбекұлы,  ауданның экономикалық дамуына  қосқан үлесі үшін аудан әкімінің «Құрмет грамотасымен » Сарбастау ауылдық округінің әкімі Сұлтанбеков Қайрат Сманұлы, Көксу ауылдық округінің әкімі Дуанаев Жақан Ноғайбайұлы, ауылшаруашылығы саласының дамуына қосқан елеулі үлесі және кәсіптік шеберлігі  мен жоғарғы өндірістік көрсеткіштері үшін «Дархан» шаруа қожалығының басшысы Ботбаев Кенжемұрат Ұлдаханұлы,Кербұлақ аудандық  ветеринариялық станциясының басшысының орынбасары Тұрлығазиев Жанат Сәкенұлы, Басши ауылдық округінің ветеринарлық пункт меңгерушісі Досмайылов Қуандық Үркімбайұлы, «Изумруд» шаруа қожалығының басшысы  Боровиков Николай Вальеревич, «Ауыл шаруашылығы қызметкерлері күні»мерекесі құрметіне  аудандық жер қатынастары бөлімінің инспекторы Шамшиев Жандос Сарсебекұлы марапатталса, Аудан әкімінің «Алғыс хатымен», түрлі –-түсті теледидармен «Қызылжар» өндірістік кооперативінің агрономы Қоңыров Сағындық Тоқанұлы , «Қызылжар» өндірістік кооперативінің механизатор Сыдықов Сакен Адасханұлы , «Мади» шаруа қожалығының-механизаторы Шопавалов Андрей ,«Қызылшоқы» Жауапкершілігі шектеулі серіктестігінің малшысы Машарбетов Бакытжан , «Ақбастау» шаруа қожалығының механизаторы Жұмағожанов Ержан «Майтөбе ет» ауылшаруашылық өндірістік кооперативінің маманы Рыскелдинов Бейбіт Аязұлы ,«Майтөбе ет» ауылшаруашылық өндірістік кооперативінің жұмысшысы Жанғабатов Баққали ,аудан әкімінің «Алғыс хатымен», бағалы сыйлық кілеммен «Жаңалық» өндірістік кооперативінің механизаторлары Оразбеков Жұмағұл, Тұрдыбай Береке ,аудан әкімінің «Алғыс хатымен», бағалы сыйлықпен «Есқожанов» шаруа қожалығының малшысы Жақаев Ержан ,«Есқожанов» шаруа қожалығының сауыншысы Брипотина Александра бағалы сыйлықпен марапатталады

Дәл осы күні  Аудан әкімінің «Алғыс хатымен», «Қызылшоқы» Жауапкершілігі шектеулі серіктестігі және «Мади», «Ақбастау» шаруа қожалықтарының атынан бас инженер Нұрғалиев Ғалымбекке және: «Алатау Дейри» жауапкершілігі шектеулі серіктестігі атынан Мырзашев Қайратқа аудан әкімінің «Құрмет грамотасы» және жеңіл автокөліктің кілті тапсырылады.

— Бүгінгі күн мен үшін ерекше есте қалатын күн болды. Өздеріңізде көрдіңіздер, автокөліктің кілтін табыс етті. Қуанышымды айтып жеткізе алар емеспін.  Аудан әкімінен бастап, осы салада қызмет етіп жүрген барлық азаматтарға, Алдан Бекиевке алғысым шексіз. 20 жылдан астам осы шаруашылықта еңбек еттім. Еңбегімнің жанғаны осы емес пе?,- дейді бүгін автокөліктің кілтіне ие болған Нұрғалиев Ғалымбек қуанышын жасыра алмай.

Салтанатты марапаттау рәсімінен кейін аудан көркемөнерпаздарының концертіне кезек берілді. . Маңдай терін молынан төгіп, қайнаған қызу жұмыстың үстінде жүретін ағайын үшін бұл мерекелік жиынның мән-маңызы зор болды.

Бүгінгі күн еткен еңбектің. Төгілген маңдай тердің қарымынң қайтқан күні болды. Марапатталғандар да, марапаттағандар да қуанышты. Марапаттағандар қысы –жазы маңдай терлерімен, адал еңбектерімен  жұмыс жасағандардың қуанышын көріп риза болса, ал марапатталғандар мерейлерінің өскендіктеріне қуанды. Қысы –жазы бір тынбай еңбек ететін ауылшаруашылық қызметкерлерін мерекелерімен құттықтай отырып, еңбектерінің қашанда толағай табыстарға толы болуын тіледік.!

Ләйлә Ескендірқызы