Саяси Кеңес отырысы

«Бизнестің жол картасы – 2020» бағдарламасы Елбасының «Жаңа онжылдық – жаңа экономикалық өрлеу – Қазақстанның жаңа мүмкіндіктері» атты Қазақстан халқына Жолдауын және Қазақстанның 2020 жылға дейінгі стратегиялық даму жоспарын іске асыруға арналған. Өйткені бағдарламаның мақсаты экономикалық шикізаттық емес секторындағы өңірлік кәсіпкерліктің тұрақты және теңгерімді өсуін қамтамасыз ету, сонымен қатар бар жұмыс орындарын сақтау және тұрақты жұмыс істейтін жаңа жұмыс орындарын құру болып табылады. «Бизнестің жол картасы – 2020» бағдарламасы Елбасының «Жаңа онжылдық – жаңа экономикалық өрлеу – Қазақстанның жаңа мүмкіндіктері» атты Қазақстан халқына Жолдауын және Қазақстанның 2020 жылға дейінгі стратегиялық даму жоспарын іске асыруға арналған. Өйткені бағдарламаның мақсаты экономикалық шикізаттық емес секторындағы өңірлік кәсіпкерліктің тұрақты және теңгерімді өсуін қамтамасыз ету, сонымен қатар бар жұмыс орындарын сақтау және тұрақты жұмыс істейтін жаңа жұмыс орындарын құру болып табылады. Осы орайда жақында Ә.Сарыбаев атындағы Мәдениет үйінде «Бизнестің жол картасы — 2020» бағдарламасын іс жүзіне асыру бойынша атқарылған жұмыстар туралы Саяси Кеңес Бюро отырысы болып өтті.Саяси Кеңес Бюро отырысына аудан әкімі Алиев Бағдат Байшалұлы, облыстық «НұрОтан» партиясы төрағасының орынбасары Нұрқадыров Серік Нұрқадырұлы, аудандық мәслихаттың хатшысы Рысбеков Бөкен Қабиұлы, «НұрОтан» партиясы Кербұлақ аудандық филиалы төрағасының бірінші орынбасары Бозымбеков Жомарт Саханұлы, аудандық ардагерлер кеңесінің төрағасы Сарыбаев Төленді Оспанбайұлы,аудандық   телекоммунация торабының басшысы Тоғайбеков Бауыржан Мирканұлы, аудандық мәслихаттың депутаттары, бастауыш партия ұйымының төрағалары, партия белсенділері мен БАҚ өкілдері қатысты.Кеңес отырысын аудан әкімі Бағдат Алиев ашты.- Құрметті Саяси Кеңес Бюро мүшелері! Өздеріңізге белгілі ел экономикасының дамуының локомотиві саналатын орта және шағын бизнесті дамыту бағдарлама мақсаты болып табылады. Сондықтан осы саланы дамытуға бағытталған бағдарламаларды жүзеге асыру осы отырған баршамыздың, — міндетіміз, деп сөзін бастап отырысты ашық деп жариялады.Күн тәртібінде: «Бизнестің жол картасы 2020» мемлекеттік бағдарламаны іс жүзіне асыру бойынша атқарылған жұмыстар туралы аудандық кәсіпкерлер бөлімінің және Алматы облысы кәсіпкерлер палатасы Кербұлақ аудандық   филиалының есебі тыңдалды.Мінберге алғашқы шыққан аудандық кәсіпкерлер бөлімінің басшысы Әділхан Рысбеков ауданда «Бизнестің жол картасы 2020» Бағдарламасының шеңберінде мемлекеттік қолдауға ие болған ірі жеке шаруа қожалықтары бар екенін, пайыздық мөлшерлеменің бір бөлігін субсидиялау бойынша 6 кәсіпкер 170 млн. 100 мың теңге көлемінде және аталмыш бағдарлама шеңберінде жобаларды ұйымдастыру мен іске асыру үшін мемлекеттік гранттар беру бойынша 5 кәсіпкерге барлығы 8 млн. 500 мың теңге қолдау көрсетілгенін тілге тиек етіп, бүгінгі күнде аталған кәсіпкерлер өз жобаларына сәйкес қызметтерін аудан тұрғындарына көрсетіп жатқанын атап өтті.Өз кезегінде Алматы облысы кәсіпкерлер палатасының Кербұлақ аудандық филиалының директоры Болат Тастанбеков сөз алды.- Құрметті Бағдат Байшалұлы және Саяси Кеңес Бюро мүшелері! Кәсіпкерлер палатасының басты мақсаты – кәсіпкерлікті дамытуға қолайлы жағдай қалыптастыру, бизнес пен билік арасында байланыс орнату. Кәсіпкерлердің құқықтары мен заңды мүдделерін қорғау Палата қызметіндегі басты бағыттардың бірі болып табылады. 2016 жылы Кербұлақ ауданы кәсіпкерлерінің қатысуымен өткен кеңейтілген жиналыста ауданымызда кәсіпкерлер кеңесі құрылып, кеңес мүшелері сайланды. Кеңес мүшелерінің құрамында – 4 заңды тұлға, 4-шаруа қожалықтары, 6 – жеке кәсіпкер, 1 – үкіметтік емес ұйым, аудандық мәслихаттың депутаттары, кәсіпкер әйелдер бар. 2017 жылы 720 кәсіпкерге тегін кеңестер берілді. Оның ішінде бухгалтерлік қызмет, салықтық есептеме формаларын дайындау және толтыру бойынша – 150 кәсіпкерге, құқықтық қызмет – 31 кәсіпкерге, бизнес-жоспар дайындау 52 кәсіпкерге көрсетіліп, бизнесті ашу және мемлекеттік бағдарламалар бойынша 570 кеңес берілді. Сонымен қатар аудан прокуратурасы, мемлекеттік кіріс бөлімі, аудандық тұтынушылар құқығын қорғау басқармасы және жергілікті атқарушы органдардың қатысуымен бірнеше рет дөңгелек үстел ұйымдастырылып, ауылшаруашылық бөлімімен бірлесіп өндірістік кооперативтер құру мақсатында жиындар өткізіп нәтижесінде 4 АШӨ кооперативі құрылды. Аталмыш бағдарламасының гранттық қаржыландыру бағытына қатысу үшін 11 кәсіпкерге бизнес-жоспар жасалып, өз істерін бастаған жеке кәсіпкерлер Дина Байдавлетова, А.Талғарбаевтар 1 500 000 теңгенің, ал жеке кәсіпкер Жұмаш Ажар 1 000 000 теңгенің қайтарымсыз мемлекеттік грантына ие болды. Сонымен қатар жастар арасында жұмыссыздық деңгейін төмендету мақсатында аудандық жұмыспен қамту және әлеуметтік бағдарламалар бөлімі, мен жұмыспен қамту орталығымен бірлесе отырып «Бос жұмыс орын» жәрмеңкесін өткізуге өз үлесімізді қостық. Алдағы уақытта да бірлесіп жұмыс жасаймыз, — деп аяқтады баяндамасын.Баяндамашыларға сұрақтар қойылып, тұщымды жауаптар алынды. Жарыссөзге аудандық мәслихаттың депутаты, «Абықанов» шаруа қожалығының басшысы Серік Абықанов, «Жоламан» бастауыш партия ұйымының төрағасы, ауылдық округ әкімі Дәулет Нүсіпеков, Қоғалы а/о әкімі Самат Исабаев сөйлеп, аталмыш бағдарламаны орындау барысында ауданда атқарылып жатқан істерге тоқталып өтті. Бұдан соң облыстық «Нұр Отан» партиясы төрағасының орынбасары Серік Нұрқадыров сөз алып, ауданда бағдарлама бойынша жасалып жатқан жұмыстар үшін аудан әкіміне, жұмысты жандардыруға  атсалысқан азаматтарға алғыс білдірді. Елбасы Жолдауында көрсетілген бағдарлама барысына, сонымен қатар «ғасыр індеті» саналатын сыбайлас жемқорлық, бүгінгі күні еліміздің кей жерлерінде орын алып отырған экстремизм мен терроризм сияқты келеңсіз жағдайларға тоқталып, еліміз аман, жұртымыз тыныш болсын деген тілегін жеткізді.Күн тәртібіндегі мәселе толығымен қаралып, аудан әкімі, жиын төрағасы Бағдат Байшалұлы саяси Кеңес Бюросының отырысын жабық деп жариялап, жиын соңында «Нұр Отан» партиясы Кербұлақ аудандық филиалының Саяси Кеңес Бюросы Қаулы қабылдады.Мәліметтерге сүйенсек «Бизнестің жол картасы – 2020» бағдарламасынның іс жүзіне асыру мақсатында 2017 жылы өңірлік кәсіпкерлікті дамыту комиссиясына ұсынылған 15 жобаның 5-уі бекітіліп, оларға 8,5 млн. теңге қаржылай гранттар бөлініпті. Жеке 6 кәсіпкерге 170 млн. 100 мың теңге көлемінде қолдау көрсетілген. «Зарина» шаруа қожалығы сүтті ірі-қара мал алуға, 25,0 млн. теңге, «Сыдық» шаруа қожалығы 30,0 млн. теңге, «Абықанов» шаруа қожалығы пеллет отынын шығаратын зауыттың құрылысына 60,0 млн. теңге несие алып, нәтижесінде 11 мектеп арнайы пеллет отынымен жанатын қазандықтарын орнатып пайдаланып отыр екен. Қоғалы ауыл округінде «Мади» ШҚ дәнді дақылдар өсіру мақсатында 23 млн. 400 мың теңге, Сарыөзек ауыл округінде жеке кәсіпкер Мұсабекова техникалық жөндеу орталығына қажетті құрал-жабдықтар алуға 1 млн. 700 мың теңге және жеке кәсіпкер М.Қалиева заманауи форматтағы сауда базары құрылысын жүргізуге 30,0 млн. теңге алып қазіргі таңда сауда орны халық игілігіне қызмет көрсетуде. Жобаларды іске асыруға бағытталған банк несиелерін ішінара кепілдік беру бойынша Шанханай ауыл округінің тұрғыны, жеке кәсіпкер С.Негмажановаға өз ісін ұлғайту мақсатында 1 млн. 900 мың теңге беріліпті. Сонымен қатар бағдарлама шеңберінде жобаларды ұйымдастыру мен іске асыру үшін жеке кәсіпкерге көкөніс жылыжайын салуға 3,0 млн. теңге және «Дина» сұлулық салонын ашуға 1,5 млн. теңге, «Альмира» балалар ойын сауығын ашуға 1,5 млн. теңге жеке кәсіпкер А.Талғарбаевқа қайыстан жасалатын аяқ киім тігу станогін алуға 1,5 млн. теңге, дәстүрлі киім тігу цехін ашу үшін жеке кәсіпкерге 1,0 млн. теңге көлемінде мемлекеттік грант бөлінген.Жалпы аудан көлемінде бүгінгі күні 3118 бірлік шағын және орта бизнес субъектілері қызмет етуде, оның ішінде: 74 бірлігі заңды тұлға, 955 бірлігі жеке кәсіпкер және 2089 бірлігі шаруа қожалықтары болып табылады екен. Осы кәсіпорындарда барлығы 12774 адам тұрақты жұмыспен қамтылған. Аталған субъектілер жыл басынан 1395,4 млн. теңгеге қызмет көрсетіп, 189,6 млн. теңге бюджетке әр түрлі салық түсімдерін түсірген. Өнеркәсіптік өнім көлемі ағымды жылдың 6 айында 1665,3 млн. теңгені, өткен жылмен салыстырғанда 185 пайызды құрап, нақты көлем индексі 87,7 пайызға орындалған. Негізгі капиталға тартылған инвестиция көлемі есепті мерзім ішінде 1901,6 млн. теңгені құрап нақты көлем индексі 104,8 пайызға орындалған. Тауар айналымы аудан көлемінде 1570,3 млн. құрап, бағаны тұтыну индексі өткен жылмен салыстырғанда 103,6 пайызын құрап отыр. Бұл көңіл қуантарлық жәйт. Алайда кәсіпкерлікті дамыту мақсатында аталмыш бағдарламада  қарастырылған қаржылай грант бойынша көмек көрсету, несие кепілдігін жеңілдетуге арналған тетіктер толыққанды қолданылмаған. Ауданда бизнес-инкубатор орталығы ашылмаған. Мемлекеттік «Даму — Көмек» бағдарламасында мүмкіндіктері шектелген жандардың кәсіпкерлікпен шұғылдануына арналған ынталандыру шаралары әлі де түбегейлі жүзеге асырылмаған.  Кәсіпкерлікті дамыту мақсатында «Бизнестің жол картасы — 2020» бағдарламасында қарастырылған қаржылай грант бойынша көмек көрсету, шығындарды субсидиялауға, несие кепілдігін жеңілдетуге арналған тетіктер толыққанды қолданылмаған. Жеңілдіктер тұрғындарға жүйелі түрде түсіндірілмеген. Мемлекеттік «Даму-Көмек» бағдарламасында мүмкіндіктері шектелген жандардың кәсіпкерлікпен шұғылдануға арналған ынталандыру шаралары жан-жақты жүзеге асырылмаған. Аудан әкімі орта және шағын бизнес инфрақұрылым нысандарының санын арттыру жұмысын жандандыру, рұқсат етуші құжаттарды рәсімдеуде оңайландыру, семинар, конкурстар ұйымдастырып, оларды бұқаралық ақпарат құралдарында жариялау жұмыстарын ұйымдастыруға тапсырмалар берді. Алдағы уақытта ауданымыздың экономикасы одан әрі дамып, инвестициялар тартылып, Елбасының берген тапсырмалары толыққанды орындалар деген сенімдеміз. Өйткені бұл-бүгінгі күннің талабы.
Дина АМАНҚЫЗЫ.