ЭКСПО-2017 көрмесі жоспардың межесін көрме аяқталуына 37 күн қалғанда жетті

Астана уақыты бойынша, сағат 20:21-де есепке алу жүйесі ЭКСПО-2017 көрмесінің екі миллионыншы келушісін тіркеді. Ол 34 жастағы Оралдық кәсіпкер — Ғайса Жұмалиев. Лондон бизнес мектебінің түлегі атап өткендей, ол бизнес саласында еңбек етіп жүргеніне биыл бес жылдың жүзі болыпты. Бұл оның Көрмеге бірінші келуі емес. Көрме келушісі Астанаға жұмыс сапарымен ат басын бұрыпты. Бүгін ол «ЭКСПО-2017» көрмесі аясында өтіп жатқан Батыс Қазақстан облысының мәдениет күндеріне орай жерлестерін қолдауға келген. Ғайсаның айтуынша, бұл оқиға ол үшін күтпеген жағдай болды, оны үйде күтіп отырған отбасына әсіресе, әйелі және егіз ұлдары таңқалады.
«Жекеменшік сектордың өкілі және Қазақстанның азаматы ретінде, Қазақстанда осындай жоғары деңгейде көрменің өткізіліп жатқаны, мені әрине, қуантады. Мен бірнеше жыл шетелде тұрдым, оның екі жылында оқыдым, төрт жыл жұмыс істедім. Жүзден аса мемлекет өз павильондарын көрсеткені мен үшін қуантарлық жайттардың бірі болды. Біз көпке танылдық, сонымен қатар, жетекші мемлекеттердің жаңа инновациялық технологияларын өзімізге қабылдай аламыз. Қазіргі уақытта, көріп тұрғанымыздай,көптеген туристер бізде қонақта және бүкіл әлем біздің елімізді жақсы қырынан көруге мүмкіндік алды. Қазақстанға «ЭКСПО -2017» көрмесін өткізуге мүмкіндік туғанына менің туған жеріме деген мақтаныш сезімімді оятты»,-деп атап өтті екі миллионыншы келуші.
Сонымен қатар, «Астана ЭКСПО-2017» ҰК» АҚ Басқарма Төрағасы Ахметжан Есімов көрме келушісін құттықтап, оған естелік сыйлықтарды тарту етті. Ұлттық компания Басшысы өз сөзінде атап өткендей, жоспардағы меже уақытынан бір ай бұрын орындалды.
«Ғайса бізді бақытты етті деп айта аламын. Көрме, бәріңіз білетіндей, бұл Елбасымыздың салиқалы саясатынан туған үлкен жоба. ЭКСПО-2017 көрмесінің әрбір қатысушысы өз елінің тек жақсы қырларын көрсетуге тырысады. Біз көрме соңына дейін 30 күн қалғанда жоспарлы көрсеткіш – екі миллионыншы келушіге қол жеткіздік. ЭКСПО-2017 көрмесінің халықаралық павильондар мен нысандарының келуші санына тоқталатын болсақ, олардың көрсеткіші 15 млн-нан асып кетті», — деп атап өтті Ахметжан Есімов.
Сондай-ақ, ұлттық компания Басшысы атап өткендей, «ЭКСПО-2017» арқасында, Астанамыздың экономикалық жағдайы жақсара түсіп, айтарлықтай өсім көрді. Сонымен қатар, Астанада тұрғын-үйді жалға беру 33% -ға, қонақүйлердің сұранысы 28% — дан 60% — ға дейін өсті. Туризм саласының дамуына келсек, көрменің өту барысында туроператорларға жүгіну 78%-ға дейін жетті. Күн сайын Астанаға тікұшақпен ұшатын адамдар саны 7 мың және 16 мың адам темір жолмен келеді. Бұл ретте тауар айналымы Астанада 20% — ға өсті, ал қызмет көрсету саласына сұраныс 2,5% — ға дейін көтерілді.
Айта кетейік, 11 шілде күні Халықаралық мамандандырылған ЭКСПО-2017 көрмесі миллионыншы келушіні қарсы алған болатын. Бұл қуанышқа Астана қаласының 27 жастағы тұрғыны ие болды.
Ескере кетейік, екі миллионыншы келушінің қатысуымен өткен іс-шара барысындағы фото-видео материалдарды кез-келген аймақтан біздің ресми сайт арқылы жүктесеңіздер болады:
https://media.expo2017astana.com/kz/
***
Қосымша ақпарат үшін Қоғаммен байланыс департаментіне төменде көрсетілген телефон арқылы хабарласуларыңызға болады +7(7172)939041 , e-mail: mediacenter@expo2017astana.com, expo2017astana.com