«2019 жылы «Рухани жаңғыру» бағдарламасының Кербұлақ ауданында жүзеге асырылуы»

Бүгін аудан әкімінің орынбасары Бекзат Бекболатұлы Мыржиевтің қатысуымен «2019 жылы «Рухани жаңғыру» бағдарламасының Кербұлақ ауданында жүзеге асырылуы» тақырыбында баспасөз мәслихаты өтті.
Бекзат Бекболатұлы: «Елбасы Нұрсұлтан Әбішұлы Назарбаевтің 2017 жылы 12 сәуірде жарық көрген «Болашаққа бағдар: рухани жаңғыру» мақаласының жүзеге асуын, мемлекет басшысы Қасым-Жомарт Кемелұлы Тоқаев бақылауда ұстап, жалғастырып келеді. «Рухани жаңғыру» бағдарламасы арқылы еліміз жаңа тарихи кезеңге аяқ басты. Ауданымызда бірқатар нәтижелі жобалар мен іс-шаралар жүргізілгенін айтып, әрқайсына жеке тоқталды.
««Туған жер» арнайы жобасы арқылы меценаттар тарапынан 16 аз қамтылған көп балалы отбасыға тұрғын үй сатып алып берілді. «Ауыл-ел бесігі» жобасы арқылы, аудан орталығында 25 көшенің жолдары жөнделді, көшелерді түнгі жарықтандыру және жаяу жүргіншілер жолдарына ағымдағы жөндеу жұмыстары жасалды. Сонымен қатар, бір мектеп және екі балабақша жөндеуден өтіп қолданысқа берілді. Сарыөзек ауылында 4 шағын футбол алаңы салынды»,-деп атап өтті Бекзат Мыржиев.
Аудан әкімінің орынбасары «Рухани жаңғыру» бойынша, бірқатар жобалар биыл да жалғасын табатынын жеткізді.
Айта кетейік, Кербұлақ ауданында 2019 жылы «Рухани жаңғыру» бағдарламасы аясында 30 мыңға жуық адамның қатысуымен 548 жобалар мен іс-шаралар ұйымдастырылды.

#руханижаңғыру