Басты бет Мәдениет Қош келдің, Жаңа жыл!
14.01.2019

Қош келдің, Жаңа жыл!

 

Ақбастау негізгі мектебіндегі жаңа мәжіліс залында «Қош келдің, Жаңа жыл» атты бастауыш сынып аралығында ертеңгілік өтті. Ертеңгілікте мектеп директоры Әсет Бақытұлы Қыстаубаев оқушыларға, ата-аналарға ақ тілегін, Жаңа жылға жаңа бақыт, табыс, қуаныш, денсаулықтарының зор болуын, оқушылардың білімді, тәртіпті, тәрбиелі азаматтар болуын тіледі.
1-сынып мұғалімі Эльвира Оқасқызының ұйымдастыруымен өткен іс-шара өз деңгейінде өтіп, ата-аналардың алғысына бөленді. Оқушылар Жаңа жыл кешінде өз өнерлерін ортаға салды. Мерекеде Аяз ата, Ақшақар, Алдар көсе, Қоян, Ит, Доңыз және Жаңа жыл келіп, өз өнерлерін көрсетті. Ит жылына рахметін айтып, келер жылымыз Доңыз жылына табыс, береке, бірлік әкелсін деп, тарихи жыл болсын деген тілектерін білдірді. Іс–шараға мектепалды даярлық тобының 1-сынып және 4-сынып аралығындағы оқушылар қатысты. Мектепалды даярлық тобының оқушылары «Жаңа жыл», 1-сынып оқушылары «Снежинка», 2- сынып оқушылары «Үнді», 3-сынып оқушылары «Микки Маус», 4-сынып «Аяз ата» билерін орындап, жаңажыл туралы әндерін шырқады.
Жайнақ батыр ауыл округінің әкімі Асқар Оңғарұлы Баядилов Ақбастау негізгі мектебінің ұжымын Жаңа жылмен құттықтап, ізгі тілегін білдірді. Үздік оқушыларға сыйлықтарын таратты. Атап айтсақ, 4-сынып оқушысы Ерментаева Назерке, 6-сынып оқушылары Бақыт Мағжан, Камалбаева Әдемай, 8-сынып оқушысы Иликбаева Алуа.
Аяз ата мен Ақшақар іс-шара соңында балаларға алғысын айтып, тәттілерін таратып, оларды қуанышқа бөледі. Жаңа жыл кешінен балалар көтеріңкі көңіл-күймен тарасты.
Халима НАВБАТУЛЛАЕВА,
бастауыш сынып мұғалімі,
Ақбастау негізгі мектебі.

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.

Оқи отырыңыз

Сіздің телефоныңызға ЭЦҚ-ңыздың әрекет ету мерзімі аяқталатыны туралы ескерту SMS келді ме? 📲

Сіздің телефоныңызға ЭЦҚ-ңыздың әрекет ету мерзімі аяқталатыны туралы ескерту SMS келді ме…