Басты бет Мәдениет Кел, Жаңа жыл, төріме!
14.01.2019

Кел, Жаңа жыл, төріме!

 

«Жаңа жыл – жаңа жыр, жаңа нұр» дегендей, Жаңа жылды үлкен-кіші боп күтетініміз рас. Жаңа жыл қарсаңында мектебімізде шыршаны безендіріп, әр сынып жаңажылдық концерт дайындап, мәре-сәре болдық. Үш күн қатарынан өткен жаңажылдық шырша мерекесінде демеушілік көрсеткен Талдықорған қаласының «Тавиди» қауымдастық орталығының басшысы Тарасенко Виталий Владимирович «Балалар — біздің болашағымыз. Балаларымыз қуансыншы деп біз сыйлығымызды әкеліп құттықтап келіп отырмыз. «Шәкіртсіз – ұстаз тұл» дейді. Ұстаздар, сіздер тәрбиелеген оқушылар білімді де тәрбиелі болсын. Жаңа жылдарыңызбен шын жүректен құттықтаймыз» деп көпшілікті Жаңа Доңыз жылымен құттықтап, мектептің барлық оқушылары мен ұстаздарына сыйлық таратты. Мектеп директоры Сая Аңсағанқызы Сейтқожаева құттықтау сөз сөйлеп, Жаңа жылда толымды табыстарға жетуге, озат оқушылардың көптеп саналуына, әр шаңырақтың бақытты, берекелі болуына тілектестігін білдіре келе, «Тавиди» қауымдастық орталығының басшысы Тарасенко Виталий Владимировичке ризашылығын білдірді.
«Балдәурен» шағын орталығы мен мектепалды даярлық тобының жетекшілері — Әсем Аталықова, Жандарбек Тоқтархан, Фарида Құмархан, Ғалия Ертәліп, Айгүл Көкебаева, сондай-ақ, 1-4 сынып оқушылары арасында өткен жаңажылдық мерекеде бастауыш сынып мұғалімдері – Жарқын Наурызхан мен Назым Ералы, 5-7 сынып оқушылары арасында өткен шырша мерекесінде Ғалымбек Аталықов, Нағашыбек Хұрметхан, Ботакөз Әтіретхан, 8-11 сынып оқушылары арасында өткен мерекеде ұстаздар — Иманжан Дүйсек, Алтынай Оспанова, Меруерт Досымбекова, Биғайша Хуатхан жауапты болып, сонымен бірге мектеп психологі Айгүл Наурызхан да өз үлесін қосып, мерекенің қызықты да думанды өтуіне атсалысты.
Шырша мерекесі ауыл тұрғындары арасында жалғасын тапты. Маскарад киімін киіп, костюмдерін қорғағандар сыйлыққа ие болды. Қосағаштықтар жоғары көңіл-күймен Жаңа жылды қарсы алды.
Әлия ӘЛПЕМІШ,
мектеп директорының тәрбие
ісі жөніндегі орынбасары,
Қосағаш орта мектебі

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.

Оқи отырыңыз

Әдеп — мінсіз қызмет кепілі

  Мемлекеттің мүддесі үшін еңбек ететіндерге қойылар талап қашанда жоғары. Өйткені, о…