Басты бет Қоғам Қамқоршылық – адал ниет пен шынайы адамгершіліктің нышаны
14.01.2019

Қамқоршылық – адал ниет пен шынайы адамгершіліктің нышаны

«Жақсының жақсылығын айт — нұры тасысын!» деп қазақ халқы ежелгі заманнан бері халық ішінде көмек қолын созып, үнемі жанашыр болып жүретін азаматтарды ерекше құрметтеген. Осындай халық жанашырлары арамызда аз емес. Оның айқын айғағы ретінде Малайсары орта мектебінің базасында құрылған «Қамқоршылық кеңесінің» нәтижеге бағытталған жұмысы.
Қамқоршылық кеңес – қоғамның білім саласын басқаруға қатысу формаларының бірі. Бұл білім саласын не болмаса нақты бір білім беру мекемесін дамытуға мүдделі адамдарды ерікті негізде біріктіретін мемлекеттік емес, коммерциялық емес, қоғамдық ұйым болғандықтан, осы ұйымның атқаратын қызметі қоғам үшін өте маңызды екені сөзсіз. Осындай қоғамға өз пайдасын тигізіп, Жаңа жыл мерекесінде көпбалалы отбасыларынан шыққан балаларға сыйлық жасап, қамқорлық танытқан азаматтар арамызда бар. Малайсары орта мектебінің базасында өткен жаңажылдық мерекеде «Integra Construction KZ» ЖШС филиалы «Жоламан шағыл тас зауытының» директоры Укшебаев Мұратбай Танкибайұлы мен ұжымының атынан көпбалалы отбасынан шыққан 10 балаға сыйлық берілсе, ал Сарыбастау ауылдық округінің Ақсақалдар кеңесінің төрағасы Машарбетов Ибен Байықбашұлының атынан көпбалалы отбасынан шыққан 5 балаға сыйлық ұсынылды.
Мерекеміздің соңында Малайсары орта мектебінің директорының м.а. Мулькибаева Күнсулу Жумабекқызы өзінің шексіз ризашылығын білдіріп, Сарыбастау ауылдық округінің ақсақалдар кеңесінің төрағасы Машарбетов Ибен Байықбашұлына шапан жауып, Сарыбастау ауылдық округінің әкімі Сұлтанбеков Қайрат Сманұлы мен «Integra Construction KZ» ЖШС филиалы «Жоламан шағыл тас зауытының» директоры Укшебаев Мұратбай Танкибайұлын Алғыс хатпен марапаттады.
Малайсары орта мектебінің базасында құрылған Қамқоршылық кеңесінің осындай жұмыстар атқаруына өзіндік үлесін қосып жүрген жандар — Сарыбастау ауылдық округінің әкімі Сұлтанбеков Қайрат Сманұлы, Малайсары орта мектебінің директорының м.а. Мулькибаева Күнсұлу Жұмабекқызы, «Integra Construction KZ» ЖШС филиалы «Жоламан шағыл тас зауытының» директоры Укшебаев Мұратбай Танкибайұлы, Сарыбастау ауылдық округінің ақсақалдар кеңесінің төрағасы Машарбетов Ибен Байықбашұлы.
Осындай нағыз жанашыр азаматтардың арқасында «Қамқоршылық» деген ұғым кең тарап, ізгілік пен қамқоршылық жасайтын азаматтарымыз көбейетіні сөзсіз.
Әсел БАБЕКЕНОВА,
Малайсары орта мектебі
директорының тәрбие ісі жөніндегі орынбасары

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.

Оқи отырыңыз

Сіздің телефоныңызға ЭЦҚ-ңыздың әрекет ету мерзімі аяқталатыны туралы ескерту SMS келді ме? 📲

Сіздің телефоныңызға ЭЦҚ-ңыздың әрекет ету мерзімі аяқталатыны туралы ескерту SMS келді ме…