«Елді-мекендерде автобус жылдамдығы сағатына 50 шақырым болып төмендетілді. Ал қоғамдық темір тұлпарларға арналған жолақпен енді автобус санатына жататын көлік құралдары да еркін қозғала береді. Оларға салмағы 5 тоннадан асатын 8 жолаушы орындығы бар көліктер кіреді», — деді полиция майоры.
Жаңа сәйкестендіру белгілері пайда болады: «Электромобиль» (көліктің артқы жағында ілінеді) және «Газ жабдығы бар автомобиль». Сонымен қатар, енді жол қозғалысы ережелерінде «мүгедек» белгісі «тірек-қимыл аппараты бұзылған үшінші топтағы мүгедектер немесе осындай мүгедектер тобын тасымалдайтын» азаматтардың көліктеріне ілуге рұқсат етілетін болады.
Сондай-ақ, «Электрлік скутерлерге жүруге тыйым салынады», «Параллель жолға қайта құру», «Параллель жолдың соңы», «Диагональды жаяу жургіншілер өткелі» жене т.б. жаңа жол белгілері енгізілді. Қабылданған бұл жаңа өзгерістер жол-көлік оқиғасының азаюына себеп болатын көрінеді.