Жоба «Самұрық-Энерго» АҚ мен қытайлық инвесторлардың бірлесуі арқылы жүзеге асырылады деп күтілуде.
Жел электр паркін салу жобасы туралы «Самұрық-Энерго» АҚ басқарма төрағасы Қайрат Мақсұтов жан-жақты баяндап берді. Оның айтуынша, жобаны іске асыру облыстың электрмен сенімді жабдықталуына мүмкіндік береді. Жобаны жүзеге асыруға қатысты барлық мәселелерді талқылағаннан кейін кездесуге қатысушылар жақын арада жобалық-іздестіру жұмыстарын жүргізуге келісті.
Кездесу соңында Бейбіт Исабаев:
— Бұл — мультипликативтік әсер беретін ауқымды жоба. Біз өз тарапымыздан қолданыстағы заңнама аясында барлық қажетті қолдау көрсетеміз. Сонымен қатар бизнестің әлеуметтік жауапкершілігін де ұмытпау керек, — деді.
Кездесу қорытындысында қос тарап жобаны іске асыруды одан әрі жандандырып, инвестициялық ынтымақтастықты дамытуға қызығушылық танытты.
Жетісу облысы әкімінің баспасөз қызметі.
Фотограф: Дмитрий Ерофеев