Қазақстанда заң үстемдігін қамтамасыз ету және құқықтық мәдениетті қалыптастыру мемлекеттік саясаттың басым бағыттарының бірі болып табылады. Мемлекет басшысы Қасым-Жомарт Тоқаев өз Жолдауларында заң мен тәртіп қағидатын нығайту, азаматтардың құқықтары мен бостандықтарын қорғау мәселесіне ерекше назар аударып келеді. Осы бағытта еліміздің барлық өңірлерінде, оның ішінде Кербұлақ ауданында да жүйелі жұмыстар жүргізілуде.
Заң мен тәртіп – қоғамның тұрақты дамуының, азаматтардың қауіпсіз өмір сүруінің және қоғамдық келісімнің басты кепілі. Әрбір азамат заң талаптарын сақтап, қоғамдық тәртіпті құрметтеген жағдайда ғана құқықтық мемлекет құру мақсатына қол жеткізуге болады.
Кербұлақ ауданында құқық бұзушылықтың алдын алу, құқықтық сауаттылықты арттыру және жастар арасында заңға құрмет сезімін қалыптастыру бағытында түрлі іс-шаралар тұрақты түрде ұйымдастырылуда. Ауданның білім беру ұйымдарында, мәдениет мекемелерінде және еңбек ұжымдарында кездесулер, дөңгелек үстелдер, семинарлар мен түсіндіру жұмыстары өткізіліп келеді.
Әсіресе, жасөспірімдер арасындағы құқық бұзушылықтың алдын алу мәселесіне басымдық берілуде. Бұл бағытта құқық қорғау органдарының өкілдерімен бірлескен кездесулер ұйымдастырылып, жастарға құқықтық жауапкершілік, киберқауіпсіздік, интернет алаяқтықтың алдын алу, нашақорлық пен құқық бұзушылықтың зияны туралы түсіндіру жұмыстары жүргізілуде.
Сонымен қатар, аудан тұрғындары арасында сыбайлас жемқорлыққа қарсы мәдениетті қалыптастыруға ерекше көңіл бөлінуде. Ашықтық пен әділдік қағидаттарын насихаттау, мемлекеттік қызметтердің сапасын арттыру және азаматтардың құқықтық сауаттылығын көтеру бойынша ақпараттық-түсіндіру шаралары жүзеге асырылуда.
Қоғамдық тәртіпті сақтау тек құқық қорғау органдарының ғана емес, бүкіл қоғамның ортақ міндеті болып табылады. Әрбір азамат заң талаптарын сақтап, өз құқықтарымен қатар өзгелердің де құқықтарын құрметтеген жағдайда қоғамда тұрақтылық пен өзара сенім нығая түседі.
Заңға бағыну – өркениетті қоғамның белгісі. Тәртіпке негізделген ортада ғана әділдік орнап, мемлекет пен қоғамның дамуына қолайлы жағдай қалыптасады. Сондықтан заң мен тәртіп қағидатын күнделікті өмірде басшылыққа алу – әрбір азаматтың азаматтық борышы.
Бүгінде Кербұлақ ауданында жүзеге асырылып жатқан құқықтық-ағартушылық жұмыстар тұрғындардың құқықтық мәдениетін арттыруға және қоғамдық қауіпсіздікті нығайтуға өз үлесін қосуда. Алдағы уақытта да заң мен тәртіпті насихаттау, құқық бұзушылықтың алдын алу және құқықтық мемлекет құндылықтарын дәріптеу бағытындағы жұмыстар жалғасын табатын болады.
Сарыөзек ауылдық округінің әкімдігі.