Түркия астанасы Анкара Қазақстан Президенті Қасым-Жомарт Тоқаевтың ресми сапарына дайындалды. Қала көшелеріндегі электронды экрандардан екі ел басшысының портреттері көрсетіліп, ғимараттар Қазақстан мен Түркияның мемлекеттік тулары арқылы безендірілді. Ал Этимесгут әуежайында Мемлекет басшысын Түркия Президенті Режеп Тайып Ердоғанның өзі қарсы алды.
Анкара көшелеріндегі дайындық барысын Қазақстандық журналистер әлеуметтік желілерде жариялады. Үлкенэкрандардан Қасым-Жомарт Тоқаев пен Режеп ТайыпЕрдоғанның бейнелері көрсетіліп, олардың жанында қазақ және түрік тілдерінде құттықтау жазуларыорналастырылған.
«Қазақстан Республикасының Президенті, Жоғары Мәртебелі Қасым-Жомарт Кемелұлы Тоқаев мырза, Түркияға қош келдіңіз!» деген жазу қазақ тіліндежарияланған.
Қазақстандық журналист Саяна Санакова Анкара көшелеріндегі көріністерді көрсетіп, Мемлекетбасшысының сапарына жасалған дайындыққа назараударды.
«Анкараның басты көшелерінде, ғимараттардың қасбеттерінде біздің Президенттің портреті, ал қасында Қазақстан мен Түркияның тулары желбіреп тұр», – деді ол.
Журналистің айтуынша, мұндай көріністер ресмикеліссөздер басталмай тұрып-ақ Түркия тарапының Қазақстан Президентінің сапарына ерекше мән беріпотырғанын аңғартады.
Қазақстандық журналист Вероника Вишневская даТоқаевтың сапарына арналған құттықтау экрандарының кадрларын жариялады.
Президенттік ұшақ пен құрметті қарауыл
Қазақстандық делегацияның Түркияға келу сәтін Qazaqstanұлттық телеарнасының журналисі, «Ақорда» бағдарламасының жүргізушісі Ақдария Мұхаддас та көрсетті. Жарияланған видеода бортында QAZAQSTAN деген жазуы бар Президенттік ұшақ пен оның алдында сап түзеген түрік құрметті қарауылы бейнеленген.
Ақорданың мәліметінше, Этимесгут әуежайында Қасым-Жомарт Тоқаевты Режеп Тайып Ердоған жеке өзі қарсы алған.
Президенттер қандай мәселелерді талқылайды?
Қасым-Жомарт Тоқаев Түркия Президенті Режеп ТайыпЕрдоғанның шақыруымен ресми сапармен барды. Кездесубарысында екі ел арасындағы кеңейтілген стратегиялық әріптестікті одан әрі дамыту мәселелері талқыланады.
Түркияның A Haber телеарнасының хабарлауынша, келіссөздерде екіжақты қарым-қатынастар, энергетика, сауда және өңірлік мәселелерге басымдық берілуі мүмкін.
Сапар бағдарламасына сәйкес, Қазақстан Президенті Түркі мемлекеттері ұйымының 13-саммитіне де қатысады.