Меніңше, Құрылтайдың басты ерекшелігі – әртүрлі сала өкілдерінің бір ортада бас қосып, ортақ мәселелерге бейжай қарамай, өз ойын ашық жеткізуінде. Әрине, кез келген бастама бірден жүзеге аса қоймайды. Алайда көтерілген ұсыныстардың еленуі мен талқылануы қоғамдағы өзгерістердің бастамасына айналуы мүмкін.
Бүгінде халықты толғандыратын мәселелер аз емес. Сондықтан оларды жасырмай, ашық айтып, тиімді шешім іздеу маңызды. Құрылтайдың мәні де осы деп есептеймін. Ол тек пікір айтатын орын емес, қоғамның дамуына бағыт-бағдар беретін маңызды диалог алаңы. Осындай кездесулер азаматтардың ел өміріне деген қызығушылығын арттырып, ортақ жауапкершілік сезімін қалыптастырады. Себебі елдің өркендеуі әр адамның саналы көзқарасы мен белсенді ұстанымынан басталады.
Назгүл Рахымжанқызы